Héraðssaksóknari hefur ákært Jóhannes Tryggva Sveinbjörnsson fyrir að hafa nauðgað fjórum konum á árunum 2009 til 2015. Jóhannes, sem starfaði við að meðhöndla fólk vegna stoðkerfisvanda þess, er ákærður fyrir brot gegn konunum á meðferðarstofu fyrirtækis síns, Postura, með því að hafa farið með fingur inn í leggöng þeirra og endaþarm, án þeirra samþykkis og þeim að óvörum. Gögn Stundarinnar og samtöl við fjölda kvenna benda til að ákærurnar fjórar séu aðeins toppurinn á ísjakanum hvað varðar meint kynferðisbrot Jóhannesar.

Fimmtán konur kærðu Jóhannes Tryggva Sveinbjörnsson meðhöndlara fyrir að hafa brotið kynferðislega gegn þeim, í flestum tilfellum þegar hann var að meðhöndla stoðkerfisvanda þeirra. Samkvæmt kærunum áttu brotin sér stað um langt árabil, í yfir áratug. Þegar árið 2005 var Jóhannes kærður fyrir að nauðga stúlku sem þá var aðeins 14 ára gömul en það mál var látið niður falla eftir …