Leyndar perlur: Rauðisandur, Hornstrandir og Patró

„Langafi minn var skip­stjóri á skipi sem gerði út frá Pat­reks­firði í tíu ár og amma ólst þar upp frá fjög­urra ára aldri til fjórtán ára,“ segir Kristín Andrea Þórð­ar­dóttir kvik­mynda­gerð­ar­kona. Hún heim­sækir Vest­firð­ina eins oft og hún getur. „Ég hef að öðru leyti enga fjöl­skyldu­teng­ingu vestur en hlýt að hafa búið þar í fyrra lífi því ég sæki svo mikið þangað. Ég stofn­aði hátíð sem hét Rauð­isandur Festival með nokkrum vinum sem við héldum í nokkur ár og ég kem ár hvert um hvíta­sunnu á skemmti­leg­ustu kvik­mynda­há­tíð lands­ins Skjald­borg – hátíð íslenskra heim­ilda­mynda, sem haldin er á Pat­reks­firði.“

„Það er erfitt að velja upp­á­halds­staði þar sem Ves­firð­irnir eru svo ægifagrir en þessir staðir koma fyrst upp í hug­ann. Á Birkimel á Barða­strönd er æðis­leg lítil sveita­laug niðri við sjó sem er dásam­legt að stoppa í á leið­inni á Patró eða á leið­inni suður.