Þann 17. októ­ber 2016 ætl­aði Kristín Geirs­dóttir að hitta vin­konu sína í Smára­lind og lagði því af stað akandi frá heim­ili sínu á Völlunum í Hafn­ar­firði upp úr hádegi. Kristín man næst eftir sér sex dögum síðar þegar hún vakn­aði, sár­kvalin og í lífs­hættu, liggj­andi á gjör­gæslu­deild Land­spít­ala. Hún hafði lent í mjög alvar­legu bílslysi þegar lög­reglu­bif­hjól keyrði inn í hlið bif­reiðar hennar slysi sem hún var síðar meir sögð hafa orðið völd að. Við það er Kristín mjög ósátt en ekki síður er hún ósátt við  fram­göngu lög­reglu við rann­sókn máls­ins, en nefnd um eft­ir­lit með lög­reglu hefur gert marg­vís­legar athuga­semdir við rann­sókn­ina. „Það er eins og lög­reglan telji sig yfir okkur borg­ar­ana hafin,“ segir Kristín. 

„Það sem ég man er að ég keyri af stað en þegar ég kem upp á Reykja­nes­braut­ina sé ég að það er mjög hæg­fara bíla­röð á undan mér, sem keyrir kannski á fimm …