Katrín segir þá ríku verða ríkari: „Þeir sóa ekki góðri kreppu“

Katrín Jak­obs­dóttir, for­sæt­is­ráð­herra og for­maður Vinstri­hreyf­ing­ar­innar - græns fram­boðs, varar við upp­gangi þjóð­ern­is­sinna og hægri öfga­manna á tímum Covid-19 far­ald­urs­ins. Segir hún þá ríku munu nýta sér aðstæð­urnar til að efn­ast frekar.

Þetta kom fram í máli hennar á stofn­við­burði Progressive International, alþjóða­sam­taka vinstri­s­inn­aðra stjórn­mála­manna og aðgerða­sinna, á föstu­dag sem fram fór á net­inu. Helstu hvata­menn að stofnun sam­tak­anna eru Bernie Sanders, þing­maður og fyrrum for­seta­fram­bjóð­andi í Banda­ríkj­unum og Yanis Varoufakis, þing­maður og fyrrum fjár­mála­ráð­herra Grikk­lands.

Katrín sagð­ist á fund­inum hafa tekið þátt í mótun sam­tak­anna frá upp­hafi og að mikil þörf væri á alþjóða­sam­starfi vinstri­s­inn­aðra afla. „Ekki síst vegna auk­inna áhrifa hægriöfga­stefnu í heim­inum sem ógnar mann­rétt­indum og lýð­ræð­is­legri fram­kvæmd, en einnig fjöl­miðla­frelsi og sjálf­stæði dóm­stóla,“ sagði hún á ensku í íslenskri þýð­ingu blaða­manns.

Hún sagði að draga ætti lær­dóm af síð­ustu kreppu þegar ráð­ist var í mik­inn nið­ur­skurð í mörgum löndum. Sagði hún afleið­ingar þess enn vera að koma í ljós í dag. „Við vitum að á tímum sem þessum er alltaf mikið um hags­muni sem eru í húfi. Þeir ríku munu finna leið til að verða rík­ari. Þeir sóa ekki góðri kreppu. Við ættum ekki heldur að sóa góðri kreppu,“ sagði hún og hvatti þar sam­tökin til dáða.

„[...] lík­lega munu sum stjórn­mála­öfl reyna að nýta sér áhyggjur fólks“

Katrín sagði að auk­inn þrýst­ingur muni verða á einka­væð­ingu á þessum tímum. „Ef for­tíðin er vís­bend­ing þá þurfum við líka að búa okkur undir við­brögð þjóð­ern­is­sinna, því lík­lega munu sum stjórn­mála­öfl reyna að nýta sér áhyggjur fólks sem spretta upp í nið­ur­sveiflu.“

Katrín á fund­inumFor­sæt­is­ráð­herra var fyrst til við­tals á stofn­við­burði sam­tak­anna sem fór fram á net­inu vegna far­ald­urs­ins.

Varoufakis tók til máls í fram­hald­inu og sagð­ist hlakka til að starfa með Katrínu, hennar fólki og rík­is­stjórn hennar.

Bætti Katrín því við að lokum að far­ald­ur­inn hefði víða um heim verst áhrif á lægri stétt­irnar og sýndi fram á mik­il­vægi sterkra vel­ferð­ar­kerfa. „Þegar þú talar um krepp­una 2008, Yanis, og allt sem Ísland og Grikk­land gengu í gegnum, þá var mikil blessun að við gátum valið okkur leið út úr henni og farið bland­aða leið,“ sagði hún. „Auðvitað var nið­ur­skurður á Íslandi en við gátum líka hækkað skatta og gert aðra mik­il­væga hluti til að end­ur­byggja sam­fé­lagið.“