Þegar vin­kon­urnar Ásdís Embla Ásmunds­dóttir, Unnur Guð­munds­dóttir og Margrét Hlín Harð­ar­dóttir lögðu af stað í heims­reisu seinni­part­inn í febr­úar óraði þær ekki fyrir því hvaða stefnu ferðin myndi taka. Stöll­urnar eru nú á Cook-eyjum í Kyrra­haf­inu, þar ætl­uðu þær að dvelja í viku en hafa nú verið þar í mánuð, því nán­ast engar flug­sam­göngur hafa verið þaðan und­an­farnar þrjár vikur vegna COVID-19 far­ald­urs­ins. Þær gera það besta úr aðstæðum, hafa ving­ast við heima­fólk sem hefur reynst þeim einkar vel og segj­ast vart geta verið á betri stað, fyrst aðstæður eru með þessum hætti.

Cook-eyjur eru heima­stjórn­ar­ríki í Suður-Kyrra­hafi og heyra undir Nýja-Sjáland. Eyjarnar eru 15 tals­ins, sú stærsta þeirra er Raratonga og þar halda vin­kon­urnar til. Íbúar eyj­anna eru tæp­lega 18.000 og helsti atvinnu­vegur er ferða­þjón­usta. Ísland tók upp stjórn­mála­sam­band við eyj­arnar fyrir um tveimur árum.

Í upp­hafi ferðarFerðalag þeirra Ásdísar Emblu, Unnar og Mar­grétar Hlínar hófst í febr­úar.

MYND: AÐSEND

Samkvæmt vef­síðu Alþjóða­heil­brigð­is­stofn­un­ar­innar, WHO, höfðu engin til­vik af COVID-19 greinst á eyj­unum að morgni 6. apríl.

Ferðalag þeirra Ásdísar Emblu, Unnar og Mar­grétar Hlínar, sem allar eru fæddar 1999 , hófst í París og til stóð að þær yrðu á far­alds­fæti fram í júní.  Síðan lá leiðin til Los Angeles og þaðan fóru þær til Cook-eyja. Þær komu þangað 7. mars og höfðu áætlað að fara þaðan 14. mars. „Við ætl­uðum að fara til Nýja-Sjálands og aka þar um í hús­bíl, svo til Balí og síðan til Asíu, við vorum ekki búnar að ákveða til hvaða lands, en þegar við sáum hvað far­ald­ur­inn var að aukast ákváðum við að fram­lengja dvöl­ina hérna um viku,“  segir Ásdís Embla. „Við töldum að það væri það besta í stöð­unni.“