Stundin streymir hádegisfyrirlestri Eddu Björgvins nú í dag kl. 12.

Í fyrirlestrinum fjallar Edda um hvernig hægt er að nýta húmorinn, gleðina og kærleikann til að gera þessa „fordæmalausu“ tíma bærilegri fyrir fólkið í kringum okkur og okkur sjálf.

Endurmenntun HÍ stendur að fyrirlestrinum, en hugmyndin var að gefa samfélaginu litla göf, kveikju sem bæði nærir og kætir, veita fólki pásu frá erfiðum og kvíðavaldandi hugsunum og létta lundina. 

Það þarf vart að kynna Eddu Björgvins en hún hefur haldið þjóðinni á léttu nótunum áratugum saman með sinni einstöku jákvæðni og lífsgleði. Á þessum örfyrirlestri mun Edda fara yfir hvernig við getum nýtt húmorinn til þess að breyta erfiðu andrúmslofti í nærandi umhverfi, hvernig húmor gagnast við streitulosun, eykur samkennd og styður við okkur á þessum skrýtnu tímum.

Fyrirlesturinn hefst klukkan tólf.

Viðburðinum verður streymt beint á forsíðu Stundarinnar og í þessari frétt.