„Það er mjög sér­stakt. Ekki átti maður von á að upp­lifa þetta,“ segir Hrafn­hildur Arn­ar­dóttir hár­greiðslu­meist­ari. Hún hefur átt og rekið hár­greiðslu­stof­una Greiðuna á Háa­leit­is­braut und­an­farin 13 ár, en stofan var stofnuð fyrir meira 60 árum og þar starfa 5-6 að jafn­aði. Dyrum hennar verður lokað á mið­nætti í kvöld og verða lok­aðar að minnsta kosti fram yfir páska vegna herts sam­komu­banns til að stemma stigu við útbreiðslu COVID-19 veirunnar.

„Þetta er auð­vitað pínu sjokk. Ég er með nokkra í vinnu og maður þarf að spá í hvað maður gerir,“ segir Hrafn­hildur.

Í gær var til­kynnt um hertar tak­mark­anir á sam­komum og í því felst meðal ann­ars að starf­semi og þjón­ustu sem krefst mik­illar nálægðar við við­skipta­vini verður lokað frá og með mið­nætti í kvöld. Til slíkrar þjón­ustu telj­ast meðal ann­ars hár­greiðslu­stofur.

Heyrði fyrst  þessari ákvörðun í fréttum

Hrafn­hildur seg­ist hafa heyrt af þess­ari ákvörðun í fréttum eins og allir …