Forseti og forsætisráðherra senda kveðjur vestur: „Í dag erum við öll Vestfirðingar“

Guðni Th. Jóhann­es­son, for­seti Íslands, hefur sent kveðjur vestur á firði og þakkir til við­bragð­sa­að­ila sem brugð­ust við eftir að snjó­flóð­inu féllu á Flateyri og í Súg­anda­firði. „Á þessum stundum sann­ast gildi sam­stöðu og sam­kenndar.“

Guðni birti yfir­lýs­ingu sína á Facebook nú fyrir skömmu. „Bless­un­ar­lega varð ekki mann­skaði, annað tjón er unnt að bæta,“ skrifar Guðni og upp­lýsir jafn­framt að hann hafi á reglu­bundnum fundi með Katrínu Jak­obs­dóttur for­sæt­is­ráð­herra fengið frá henni upp­lýs­ingar um stöðu mála fyrir vestan sem hún hafi sjálf fengið á fundi með almanna­vörun í morgun.

„Enn vorum við minnt á ægi­mátt nátt­úru­afl­anna. Um leið sönn­uðu gildi sitt varn­ar­garð­arnir, sem reistir voru á Flateyri eftir flóðið mikla fyrir ald­ar­fjórð­ungi, þótt litlu hafi mátt muna nú – slíkur var ham­fara­kraft­ur­inn þar,“ skrifar Guðni og ítrekar kveðjur sínar og þakkir.

Katrín Jak­obs­dóttir for­sæt­is­ráð­herra birti einnig færslu á Facebook síðu sinni í morgun og bendir á hversu mik­il­vægt var að varð­skipið Þór hafi verið sent verstu vegna slæmrar veð­ur­spár. Snjó­flóðin á Flateyri og í Súg­anda­firði væru miklar ham­farir og stjórn­völd muni fylgj­ast grannt með.

„Heyrði í nokkrum Vest­firð­ingum í morgun sem allir voru slegnir. Flóðin 1995 rifj­ast upp og það skelfi­lega mann­tjón sem varð þá. Heyrði líka í nokkrum kærum vinum að vestan og fann hversu þungt þessir atburðir lögð­ust á þá. Í dag erum við öll Vest­firð­ingar,“ skrifar for­sæt­is­ráð­herra.