„Þetta er alveg von­laus félags­skapur að mínu viti og ein­hver sá vit­laus­asti á land­inu nú um stundir.“ Þetta sagði Brynjar Níelsson, þing­maður Sjálf­stæð­is­flokks­ins, um lífs­skoð­un­ar­fé­lagið Siðmennt á Alþingi í dag.

Til umræðu var nýr samn­ingur íslenska rík­is­ins og þjóð­kirkj­unnar. Samn­ing­ur­inn tryggir greiðslur rík­is­sjóðs til þjóð­kirkj­unnar næstu 15 ár og nema þær 2,7 millj­örðum króna á ári. Samn­ing­ur­inn hefur ekki áhrif á aðrar greiðslur til þjóð­kirkj­unnar sem lög kveða á um og er óháður öðrum tekjum sem þjóð­kirkjan aflar sér.

Brynjar kom upp í andsvörum við ræðu Helga Hrafns Gunn­ars­sonar, þing­manns Pírata, sem hafði gagn­rýnt fyr­ir­komu­lagið. Benti Helgi Hrafn á að önnur trú- og lífs­skoð­un­ar­fé­lög veittu þjón­ustu eins og þjóð­kirkjan og gagn­rýndi upp­hæð og for­sendur samn­ings­ins.

Brynjar sagð­ist styðja þjóð­kirkj­una þar sem hún geri gagn og að ekki skipti máli þó samn­ing­ur­inn væri ekki mjög góður. „Við eigum bara að horfa á það að við erum að styðja og vernda þessa þjóð­kirkju,“ sagði Brynjar. „Hún hefur skyldur umfram aðrar stofn­anir, hvort sem okkur líkar betur eða verr. Þetta er krist­inn söfn­uður, við erum kristin menn­ing­ar­þjóð. Svo eiga menn líka bara að lesa bibl­í­una þó þeir hafi enga trú­ar­sann­fær­ingu. Þó ekki nema til þess að læra íslensku! Það lærir eng­inn íslensku sem les ekki bibl­í­una, hátt­virtur þing­maður.“