Blaðamenn Stundarinnar samþykktu 22. nóvember síðastliðinn kjarasamninga þá sem Blaðamannafélag Íslands og Útgáfufélagið Stundin höfðu skrifað undir 7. nóvember. Samþykktu blaðamenn samningana samhljóða.

Samningurinn er sambærilegur kjarasamningum sem Blaðamannafélagið hefur gert við Birting og Kjarnann í öllum meginatriðum. Breytingar verða á launatöflum og laun og kjaratengdir liðir hækka auk þess sem greidd er eingreiðsla vegna þess hversu lengi blaðamenn hafa verið samningslausir.

Jón Trausti Reynisson, framkvæmdastjóri Stundarinnar, hvatti við undirritun samninganna stjórnvöld til að tryggja að starfsaðstæður íslenskra fjölmiðla færðust nær því sem tíðkaðist hjá nágrannaþjóðum okkar á Norðurlöndunum, bæði þegar kæmi að fjárhag, réttarvernd og stuðningi hins opinbera.

 „Við sem stýrum Stundinni skorum á önnur fjölmiðlafyrirtæki að freista þess að hagræða með öðrum hætti en launum starfandi blaðamanna,“ sagði Jón Trausti enn fremur og bætti við: „Þó svo að fjölmiðlafyrirtæki eigi erfitt með að borga há laun er ýmislegt hægt að gera til þess að hindra atgervisflótta úr blaðamennsku. …