Lífshættan ýtti henni af stað

Þegar Sif Trausta­dóttir Rossi horfði á vöru­flutn­inga­bíl­inn stefna beint á sig á ísi lagðri Öxna­dals­heið­inni varð hún fyrir reynslu sem fékk hana til að brjót­ast út úr hvers­dags­líf­inu og láta draum sinn ræt­ast. Hún hefur nú keypt sér hús­bíl og ferð­ast frjáls um Evrópu.

Það voru hlutir sem urðu til þess að ég komst af stað,“ segir dýra­lækn­ir­inn Sif Trausta­dóttir Rossi, þar sem hún dvelur í hús­bíl í Búdapest, höf­uð­borg Ung­verja­lands, farin frá Íslandi í bili.

Sif fór fyrir nokkrum vikum til Þýska­lands og keypti sér hús­bíl. Hún ætlar að búa í bílnum í minnst sjö mán­uði og ferð­ast um Evrópu. Það hafði lengi verið draumur hennar að skilja við hvers­dags­lífið og leggja upp í lang­ferð, svo lengi að útlit var fyrir að hann rætt­ist ekki. Síðan kom atburð­ur­inn sem kastaði henni út úr þæg­ind­ara­mm­anum.

„Ég var að fara í skíða­ferða­lag norður í land. Við vorum í bíl. Ég var far­þegi í honum. Það var hálka á veg­inum. Bíllinn byrj­aði skyndi­lega að rása. Svo sá ég að það var gáma­flutn­inga­bíll að koma á fullri ferð á móti okkur. Ég hugs­aði: Nú mun ég bara deyja.“ 

„Ég hugs­aði: Nú mun ég bara deyja.“ 

Hugljómun um lífið

Það varð Sif lík­lega til lífs að bíll­inn rás­aði lengra og fór út af veg­inum undan gáma­flutn­inga­bílnum. „Við vorum svo heppin að það var snjó­skafl akkurat þar sem við fórum út af. Við vorum öll lif­andi og allir voru óbrotnir. En ég skall­aði upp undir loftið á bílnum þegar bíll­inn valt og ég fékk hnykk­skaða á háls­inn og bakið.“

Bílslysið reynd­ist á tví­þættan hátt vera orsaka­valdur þess að Sif býr nú í hús­bíl, óviss um hvað verður á vegi hennar næsta hálfa árið. 

„Í raun og veru má segja að þetta bílslys hafi haft áhrif á það að ég ákvað að láta af þessu verða. Eftir þetta slys hugs­aði ég mikið um það hvernig maður gengur í gegnum lífið, setur undir sig hornin og þjösnast áfram. Reynir að kom­ast í gegnum þetta, án þess að gera eitt­hvað sem skiptir raun­veru­lega máli. Þegar þetta gerð­ist fékk ég bara þessa hug­ljómun, að maður á ekki að bíða eftir því að kom­ast á eft­ir­laun,“ útskýrir Sif.

Önnur hlið­ar­á­hrif, sem ýttu henni út í ferð­ina, voru að hún fékk trygg­inga­bætur vegna slyss­ins. „Það hefur alltaf heillað mig að ferð­ast. Mig lang­aði til að taka mér lengra frí. Það er nokkuð sem ég hef hugsað um í mörg ár.“ 

Skömmu eftir bílslysið varð atburður sem und­ir­strik­aði að hún yrði að fara. „Eitt af því sem hefur rekið mig af stað er að það eru miklir arf­gengir hjarta­sjúk­dómar í móð­ur­fjöl­skyld­unni minni, sér­stak­lega kransæða­sjúk­dómar. Þremur mán­uðum eftir að ég lenti í bílslys­inu þurfti mamma mín að fara í fjór­falda hjá­veitu­að­gerð og var heppin að vera ekki búin að fá hjarta­á­fall þegar þetta upp­götv­að­ist, þrátt fyrir að hafa aldrei 

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

3
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár