„Ég verð stundum eins og barn í leik­fanga­búð þegar ég kem inn í mat­vöru­verslun og veit að ég get leyft mér að kaupa ekki bara brýn­ustu nauð­synjar og stundum sting ég í körf­una ein­hverju sem mig vantar alls ekki bara af því að ég get það. Þetta eru sál­ræn eft­ir­köst af fátækt svipað og amman sem bar alltaf svo mikið á borð af því að hún gat aldrei gleymt því þegar hún svalt heilu hungri sem barn,“ segir Ásta Dís Guð­jóns­dóttir í sam­tali við blaða­mann Stund­ar­innar.

Frá því árið 2012 hefur Ásta Dís barist gegn fátækt með þátt­töku í sam­tök­unum Pepp Ísland, sam­tök gegn fátækt. Hún fagnar því að loks­ins sé umræðan um fátækt að opn­ast á Íslandi. „Það er svo mik­il­vægt að stoppa þennan víta­hring og koma í veg fyrir að börn alist upp við þessar aðstæður. Það er hægt og við verðum að útrýma fátækt og hætta að skila brotnum ein­stak­lingum inn í sam­fé­lagið,“ segir Ásta Dís og bætir við: „Fátækt er ekki nátt­úru­lög­mál heldur afleið­ing póli­tískra ákvarð­ana og þeim má breyta.“

„Ég er gott dæmi um að það er til ánægju­legt líf eftir erf­ið­leika og ég vona að þeir sem eru í erf­iðum aðstæðum hafi sam­band við okkur í gegnum Facebook-síðu Pepp Ísland, sam­tök gegn fátækt, í gegnum lok­aða hóp­inn okkar Bar­áttu­hópur gegn fátækt, sam­vinna og jákvæðni er lyk­il­at­riði, eða mæti á Peppfund en sá næsti verður 10. maí kl. 16.00 á neðri hæð­inni í Gerðu­bergi í Breið­holti.“