„Mín fyrstu viðbrögð eru þau að ég er slegin yfir því sem kemur fram í skýrslunni,“ segir Vigdís Hauksdóttir, formaður fjárlaganefndar Alþingis, um skýrslu nefndar Eyþórs Arnalds um starfsemi og rekstur RÚV. Stundin náði tali af Vigdísi eftir fund fjárlaganefndar með nefnd Eyþórs. Nefnir hún sem dæmi skort á eftirlitsheimildum með RÚV ohf., bæði hjá fjölmiðlanefnd og Ríkisendurskoðun, og tilkomu Vodafone samningsins frá 2013. „Það hefur verið hamrað mjög á því að RÚV sé mjög skuldsett en þarna kemur fram að það er einungis sex prósent skuldahlutfall sem er á pari við stjórnunarkostnaðinn hjá RÚV. Þannig það hafa verið mjög miklar blekkingar í þessu öllu saman. Þessi skýrsla varpar mjög góðu ljósi á allar staðreyndir,“ segir Vigdís. 

„Þannig það hafa verið mjög miklar blekkingar í þessu öllu saman.“

Gripið sé strax til aðgerða

En hver eru næstu skref að mati Vigdísar? „Í fyrsta lagi þarf að athuga hvort það þurfi ekki að breyta rekstarformi RÚV,“ segir hún. „Eins og staðan er í dag er þetta algjörlega ógagnsætt og ríkið hefur raunverulega enga aðkomu að þessu. Það er pólitískt kosin stjórn en samt er þetta ohf, hlutabréf ríkisins liggur í menntamálaráðuneytinu en samt heyrir þetta undir fjármálaráðuneytið hvað varðar fjárheimildirnar,“ segir Vigdís. 

Stundin sagði frá því fyrr í dag að Illugi Gunnarsson hyggðist setja á fót