„Út úr kú“ að spyrja hvort Íslendingar „treysti múslimum“

Sverrir Agn­ars­son, mark­aðs­sér­fræð­ingur og for­maður Félags múslima, gagn­rýnir útvarps­stöð­ina Útvarp sögu harð­lega fyrir könnun sem stöðin stóð fyrir um helg­ina. 

Í könn­un­inni, sem hófst á föstu­dag­inn og stóð yfir helg­ina, feng­ust yfir 4.600 svör við spurn­ing­unni: Treyst­irðu múslimum?

„Spurn­ingin er nátt­úru­lega alger­lega út úr kú,“ segir Sverrir og bendir á að allt eins væri hægt að spyrja: „Geturðu treyst sam­kyn­hneigðum? Geturðu treyst Gyðingum?“

Útvarp saga For­sæt­is­ráð­herra ræddi um flótta­manna­mál í við­tali á Útvarpi sögu á föstu­dag­inn. Frá vinstri: Arn­þrúður Karls­dóttir útvarps­stjóri, Sig­mundur Davíð Gunn­laugs­son for­sæt­is­ráð­herra, Pétur Gunn­laugs­son útvarps­maður.

Mynd: Útvarp saga

Forsætisráðherra í viðtali

Sama dag og könn­unin var sett í gang var Sig­mundur Davíð Gunn­laugs­son for­sæt­is­ráð­herra í við­tali á stöð­inni. Í við­tal­inu ræddi hann um flótta­menn, sem flestir eru múslimar. „Við munum aðstoða þá að kom­ast til Íslands, ég á nú ekki von á að við sendum sér­staka flug­vél en það er flug á milli þess­ara landa, það er stefna okkar að taka á móti flótta­mönnum beint frá Líbanon frekar en að taka við flótta­mönnum sem þegar eru komnir til Evrópu,“ sagði Sig­mundur meðal ann­ars. 

Sverrir segir að sér hafi ekki komið á óvart að for­sæt­is­ráð­herra færi í við­tal hjá miðli sem spyrði slíkra spurn­inga um ein­stakan trú­ar­hóp. „Stöðin hefur stutt mál­flutn­ing Fram­sókn­ar­flokks­ins, þannig að það kemur ekki á óvart.
Á síð­unni Mótmælum mosku á Íslandi var fólk hvatt til að kjósa Framsókn. En ég lít á þetta sem sam­kvæm­is­leik. Það er mál­frelsi og þeir mega þetta.“

Tæpur meirihluti treystir múslimum

Í frétt Útvarps sögu af könn­unni sem birt­ist í dag er greint frá þeim nið­ur­stöðu að „meiri­hluti kjós­enda sem tók þátt í skoð­ana­könnun Útvarps sögu“ treysti múslimum. 51,2 pró­sent svara voru á þá leið að svar­andi treysti múslimum. 44,1 pró­sent svara voru á þá leið að við­kom­andi treysti ekki múslimum. 4,7 pró­sent voru hlut­laus.

Þetta er ekki í fyrsta skipti sem Útvarp saga vekur efa­semdir um múslima. Í mars síð­ast­liðnum birti útvarps­stjór­inn Arn­þrúður Karls­dóttir mynd af sér með lamb­hús­hettu, sem leit út eins og búrka, og spurði: „Munu útvarps­menn fram­tíð­ar­innar líta svona út?“

Hún hafn­aði því að í því fælist áróður gegn múslimum, eins og hún var gagn­rýnd fyrir. „Fólk getur nátt­úru­lega haft sína skoðun á því, en múslimar hafa skoðun á mér og ég má líka hafa skoðun á þeim. Það er eng­inn sem segir að múslimar séu með hat­ursá­róður gagn­vart mér, en ef að ég hef skoðun á þeim þá heitir það hat­ursá­róður. Ég ætla bara að fá að sitja við sama borð,“ sagði Arn­þrúður.