Sigríður Björk Guðjónsdóttir, lögreglustjóri á höfuðborgarsvæðinu, er sögð hafa brotið gegn starfsmannalögum, jafnréttislögum, stjórnsýslulögum, ýmsum meginreglum stjórnsýsluréttar og reglugerð um aðgerðir gegn einelti og ofbeldi á vinnustöðum með framgöngu sinni gagnvart Aldísi Hilmarsdóttur, fyrrverandi yfirmanni fíkniefnadeildar.
Þetta kemur fram í stefnu Aldísar gegn íslenska ríkinu, en þar er þess krafist að ákvörðun lögreglustjóra frá 22. janúar 2016 um breytingu á starfsskyldum hennar verði ógilt og og að hún hljóti 2,3 milljónir króna í bætur vegna þeirrar „atlögu“ sem hún telur lögreglustjóra hafa gert að sér.
Sigríði Björk er gefið að sök að hafa með ámælisverðum og endurteknum hætti valdið Aldísi vanlíðan og lagt hana í einelti. Þá hafi ákvörðunin um breytta starfstilhögun Aldísar falið í sér „dulbúna og fyrirvaralausa brottvikningu úr starfi“ sem hafi verið saknæm og ólögmæt. Með þessu hafi verið framin ólögmæt meingerð gegn friði hennar, æru og persónu.
Þeir starfshættir og sá stjórnunarstíll sem fjallað er um í stefnu Aldísar eru í fullu samræmi við þær lýsingar sem fram hafa komið í samtölum Stundarinnar við starfsfólk lögreglu og greint var frá í umfjöllun blaðsins þann 7. febrúar síðastliðinn. Helstu efnisatriði stefnunnar eru rakin hér að neðan. Þá verður fjallað um málefni fíkniefnalögreglunnar í næsta tölublaði Stundarinnar sem kemur út þann 28. júlí.
Deildu um málefni lögreglufulltrúa
Fyrst bar á samskiptaörðugleikum milli Sigríðar Bjarkar og Aldísar á vormánuðum 2015, en þá hafði til að mynda sú síðarnefnda þurft að ganga sérstaklega á eftir því að fá skipunarbréfið sitt afhent. Fram kemur í stefnu Aldísar að jafnframt hafi komið upp ágreiningur milli þeirra um hvernig ætti að taka á málefnum tiltekins starfsmanns í fíkniefnadeild sem ásakaður hafði verið um misfellur í starfi.
Sá starfsmaður sem hér er vísað til er lögreglufulltrúinn sem nú er ljóst að hafður var fyrir rangri sök og vikið með ólögmætum hætti frá störfum. Eins og Stundin greindi frá í vikunni telur embætti héraðssaksóknara að ásakanir á hendur lögreglufulltrúanum eigi rætur að rekja til samskiptavanda í fíkniefnadeild, orðróms meðal brotamanna og jafnvel persónulegs ágreinings innan lögreglunnar. Áður hefur komið fram að Aldís tók afstöðu með umræddum lögreglufulltrúa og taldi að ekki hefði komið neitt fram sem renndi stoðum undir að hann hefði brotið af sér í starfi eða gerst sekur um óeðlileg vinnubrögð af neinu tagi. Sigríður Björk var á öndverðum meiði og vék honum seinna frá störfum, en sú ákvörðun stangaðist á við meðalhófsreglu stjórnsýslulaga að mati innanríkisráðuneytisins.
Að því er fram kemur í stefnu Aldísar gegn íslenska ríkinu var hún boðuð á fund lögreglustjóra þann 14. desember 2015 þar sem bornar voru fram órökstuddar ásakanir gegn henni og hún beðin um að flytja sig til héraðssaksóknara. Eftir þetta óskaði Aldís eftir fundi með Ólöfu Nordal innanríkisráðherra og var sá fundur haldinn þann 15. janúar 2016. Þar lýsti Aldís fyrir Ólöfu því umhverfi sem hún og aðrir starfsmenn lögreglunnar á höfuðborgarsvæðinu hafa búið við undir stjórn Sigríðar Bjarkar.
Vildi vita hvað fram fór á fundinum
„Fyrir liggur að lögreglustjóri vissi af fundi stefnanda og innanríkisráðherra, en í lok dags þennan sama föstudag kom lögreglustjóri við á skrifstofu stefnanda í því skyni að ræða hvað fram hefði farið á fundinum,“ segir í stefnunni. Strax á mánudeginum eftir helgi var Aldís rekin úr valnefnd sem sér um ráðningu nýrra lögreglufulltrúa í hinni miðlægu deild fíkniefnadeildar. „Nokkrum mínútum síðar barst stefnanda svo fundarboð í tölvupósti frá lögreglustjóra. Kom þar fram að tilefni fundarins væri að ræða fyrirhugaðar breytingar á verkefnum núverandi stjórnanda í miðlægri rannsóknardeild.“ Á fundinum var Aldísi kynnt sú ákvörðun að hún yrði færð til í starfi. Störfum hennar og verksviði yrði breytt með þeim hætti að hún tæki tímabundið við verkefni sem fælist í skipulagningu á nýrri rannsóknardeild undir stjórn Öldu Hrannar Jóhannsdóttur, aðallögfræðings embættisins og nánasta samstarfsmanns Sigríðar Bjarkar sem ekki nýtur formlegrar tignar innan lögreglunnar. Með þessu var Aldís svipt öllum mannaforráðum og henni fengin verkefni af allt öðrum toga en hún hafði verið skipuð til að gegna.
„Rökin fyrir „breytingunni“ væru þau að tveir undirmenn stefnanda sættu rannsókn vegna gruns um spillingu, ástandið í deild stefnanda væri slæmt og að „breytingin“ væri gerð í þágu trúverðugleika deildarinnar. Lögreglustjórinn neitaði hins vegar að gefa upp hvort „breytingin“ hefði verið gerð með samþykki eða vitneskju yfirstjórnar embættisins. Beiðni stefnanda um að henni yrði veittur andmælaréttur var hafnað.“
Fram kemur að eftir að lögreglustjórinn tók ákvörðun sína hafi hún veitt fjölmiðlum viðtöl um málið, nafngreint Aldísi án leyfis hennar og fjallað um málefni hennar með opinskáum, röngum og misvísandi hætti. Þegar Aldísi
Lögregla og valdstjórn
Lögreglan mælir aukna ógn á hryðjuverkum í nýju áhættumati
Lögreglan segir að gildandi lög hafi heft rannsókn á meintum ISIS-liða
Enn vanti sjálfstætt eftirlit með lögreglu
Helmingur yfirstjórnenda lögreglunnar fékk stöðuna án auglýsingar
Bróðir ráðherrans sem skipaði Sigríði án auglýsingar fékk stöðu án auglýsingar
Athugasemdir