Sigurður Ingi skiptir um skoðun um aflandsfélög

Sigurður Ingi Jóhanns­son for­sæt­is­ráð­herra segir nú óeðli­legt að vista eigur sínar á aflandseyjum, þó svo að slík umsýsla sé vissu­lega ekki ólög­leg. Þetta segir hann í við­tali við Morg­un­blaðið í dag. Þá segir hann að sitt fyrsta verk í for­sæt­is­ráðu­neyt­inu hafi verið að láta kanna hvort hægt væri að banna Íslend­ingum að vista pen­inga í lág­skatta­ríkjum. „Fyrstu svör sér­fræð­inga eru þau að vegna meðal ann­ars jafn­ræð­is­reglu EES-samn­ings­ins sé það ekki hægt. Mér hefur því þótt sér­kenni­legt að heyra Evr­ópu­sam­bands­sinna, Sam­fylk­ing­una og jafn­vel Pírata, sem hafa aðild að Evr­ópu­sam­band­inu á stefnu­skrá, tala um að loka eigi á mögu­leika fólks að vista pen­ing­ana sína á aflandseyjum. Þetta er alþjóð­legt vanda­mál,“ segir Sigurður Ingi meðal ann­ars. 

Þessi orð eru í miklu ósam­ræmi við það sem Sigurður Ingi hefur látið hafa eftir sér um skatta­skjól hingað til. Í fréttum Stöðvar 2 þann 30. mars var Sigurður Ingi meðal ann­ars spurður hvort honum þætti eðli­legt að Sig­mundur Davíð Gunn­laugs­son, þáver­andi for­sæt­is­ráð­herra, ætti stórar upp­hæðir á Tortóla. „Það er auð­vitað aug­ljós­lega tal­svart flókið að eiga pen­inga á Íslandi,“ svar­aði hann. „Einhvers staðar verða pen­ingar að vera,“ bætti hann við þegar spurn­ingin var umorðuð. 

Í ræðu­stóli á Alþingi í síð­ustu viku sagði Sigurður Ingi enn­fremur að það væri ekk­ert að því að setja eignir sínar með þessum hætti á lág­skatta­ríki svo fram­ar­lega að fólk greiði skatta og sé ekki að gera það í ann­ar­legum til­gangi. „Það er hins vegar veru­lega mikið að því, séu menn að því í stórum stíl til þess að fela fé eða borga ekki skatta til sam­fé­lags­ins. Og ég held að við ættum að nota þetta tæki­færi hér í dag til að hvetja alla þá sem eru upp­vísir að því í Panama-skjöl­unum en einnig ann­ars staðar, hjá öðrum bönkum, öðrum fyr­ir­tækjum, alla þá sem hugs­an­lega hafa orðið fyrir því að gera slíkt á síð­ustu árum, að koma heim með þá pen­inga, gera hreint fyrir sínum dyrum,“ sagði hann.