Samfylkingin fékk rúmar 48 milljónir króna frá íslenska ríkinu í fyrra, rúmar tólf milljónir frá sveitarfélögum og tæpar fimm milljónir frá lögaðilum. Þá námu framlög einstaklinga rúmum sextán milljónum króna árið 2015 og voru framlögin í heildina tæpar 82 milljónir króna.

Þetta kemur fram í ársreikningi Samfylkingarinnar sem hefur að hluta til verið birtur á vef Ríkisendurskoðunar.

Eigið fé Samfylkingarinnar hækkaði um tuttugu milljónir á milli ára, frá 44.720.595 krónum í 66.152.200 í lok árs 2015. Athygli vekur að rekstrarkostnaður flokksins lækkaði töluvert á milli ára eða um tæpar 40 milljónir króna. Fór frá 109,6 milljónum í 68,7 milljónir í fyrra. Það má eflaust rekja til sveitarstjórnarkosninga sem fóru fram árið 2014.

Athygli vekur að í skýringu 4. undir „Aðrar tekjur“ í útdrætti ársreiknings Samfylkingarinnar kemur fram að flokkurinn hafi haft rúmar sex milljónir í leigutekjur og 218 þúsund krónur í flokksgjöld. Undir „Aðrar tekjur“ eru hinsvegar skráðar rúmar sjö milljónir króna. Ekki er þó vitað hvaða tekjur það eru en þó má leiða líkum að því að þetta sé til komið vegna sölu á ýmsum varning tengdum Samfylkingunni.

Hér fyrir neðan er hægt að sjá framlög þeirra sveitarfélaga, lögaðila og einstaklinga sem studdu Samfylkinguna á síðasta ári. Þess ber að geta að aðeins eru tilgreind þau framlög einstaklinga sem voru umfram 200 þúsund krónur. Fyrir þá sem vilja sjá útdráttinn í heild sinni geta smellt hér.

Framlög sveitarfélaga:

• Akraneskaupstaður               224.598 krónur
• Akureyrarkaupstaður           356.471
• Fjallabyggð                                 92.660
• Garðabær                                  346.951
• Grindavíkurbær                     150.567
• Hafnarfjarðarkaupstaður   858.500
• Kópavogsbær                       1.032.055
• Mosfellsbær                             296.907
• Reykjanesbær                         810.778
• Reykjavíkurborg                 8.165.000

Samtals:                                12.539.487 krónur

Framlög lögaðila:

• Bláa lónið hf                             200.000
• Brim                                            100.000
• Gullberg                                     250.000
• HB Grandi hf                            400.000
• Hofgarðar ehf                           400.000
• Höldur ehf                                 400.000
• Hraðfrystihúsið Gunnvör hf 400.000
• Icelandair Group                      300.000
• Kollgáta ehf                                130.000
• Kvika banki hf                            200.000
• Lyfja hf                                         100.000
• Mannvit verkfræðistofa         400.000
• Miðeind ehf                               400.000
• Nesfiskur ehf.                              25.000
• Norlandair ehf                            50.000
• Reginn hf                                     400.000
• Samherji Íslands ehf               400.000
• Síldarvinnslan hf                      400.000
• Skakkiturn ehf                            200.000
• Tannfé slf                                        22.500

Samtals                                       4.927.500 krónur

Framlög einstaklinga umfram 200 þúsund:

• Arna Ír Gunnarsdóttir              209.000
• Árni Páll Árnason                       360.000
• Björk Vilhelmsdóttir                  213.220
• Dagur B. Eggertssson                304.925
• Heiða Björg Hilmisdóttir         288.895
• Hjálmar Sveinsson                     300.000
• Kristín Soffía Jónsdóttir           300.000
• Marta Sigurðardóttir                 353.264
• Pétur Hrafn Sigurðsson           260.000
• Skúli Helgason                            300.000