Reyndi að stofna stjórnmálaflokk einn síns liðs mánuði fyrir kosningar

Rúmum mán­uði fyrir kosn­ingar kynnti Þormar Jónsson Fram­fara­flokk­inn til leiks fyrir alþing­is­kosn­ing­arnar og fékk úthlutað lista­bók­stafnum N. Þormar kom einn að stofnun flokks­ins og var engin verk­efna­stjórn mynduð um und­ir­bún­ing­inn eða mál­efna­vinnu flokks­ins. Þormar hugð­ist bjóða fram lista í öllum kjör­dæmum og leigði sal á Hótel Nordica Hilton fyrir stofn­fund­inn sem hald­inn var um síð­ustu helgi. Fram­boð­inu var hins vegar sjálf­hætt þegar eng­inn mætti á stofn­fund flokks­ins. 

„Ég er búinn að slá þetta af,“ segir Þormar í sam­tali við Stundina. „Ég hélt ég gæti fengið eitt­hvert hug­sjóna­fólk til þess að vinna þetta með mér, en fólk kom ekki. Þessu er því sjálf­hætt.“

Þormar seg­ist í sam­tali við Stundina í síð­ustu viku ekki hafa áhyggjur af því að flokk­ur­inn sé að koma of seint fram á sjón­ar­sviðið og stefndi ótrauður á að bjóða fram í öllum kjör­dæmum. Hann sagð­ist bjart­sýnn á að fram­boðið myndi vekja athygli á vik­unum fyrir kosn­ingar. „Ég er búinn að vera að und­ir­búa þetta í hálft ár og ef maður finnur tvo, þrjá góða í hverju kjör­dæmi þá er fljótt að tín­ast inn á lista,“ sagði Þormar. Nú hefur hann hins vegar lagt árar í bát. 

Vaknaði upp á nóttunni og hugsaði um stjórnmál

Þormar seg­ist hafa reitt fram rúma milljón króna úr eigin vasa fyrir fram­boðið. Pen­ing­ur­inn fór meðal ann­ars í heil­síðu­aug­lýs­ingar í Morg­un­blað­inu og leigu á salnum á Hótel Nordica Hilton. „Ég fórn­aði mér alveg í þetta,“ segir hann. 

Aðspurður hvers vegna hann ákvað að fara af stað í þetta ævin­týri segir Þormar: „Ég veit ekki hvort það eigi að kalla það köllun. Fyrir um ári síðan