Þegar Frans páfi var nýlega spurður hvort áhersla hans á jöfnuð þýddi að hann væri fylgj­andi marxískara sam­fé­lagi sagði hann: „Það eru komm­ún­ist­arnir sem hugsa eins og hinir kristnu.“

Frans páfi hefur verið hylltur fyrir þá stefnu­breyt­ingu sem hann hefur boðað innan kaþ­ólsku kirkj­unnar að leggja aukna áherslu á þjón­ustu við þá sem minna mega sín, en hann hefur einnig verið gagn­rýndur fyrir skoð­anir sem margir hafa sagt vera hreinan og kláran komm­ún­isma.

Sjálfur hefur páf­inn alltaf hafnað þeirri skil­grein­ingu á sér. Hann hefur þó aldrei for­dæmt hug­mynda­fræð­ina og jafn­vel hælt hreyf­ingum sem ástunda marxískar áherslur.

Í nýlegu við­tali við ítalska dag­blaðið La Repubblica gekk páf­inn argent­ínski skref­inu lengra. Þegar hann var spurður út í stefnu jafn­aðar og stétt­leysis sem hann hefur boðað í ræðu og gjörðum sagði hans heil­ag­leiki: „Ef eitt­hvað er þá eru það komm­ún­ist­arnir sem hugsa eins og hinir kristnu. Kristur tal­aði um sam­fé­lag …