Ónefndi Íslendingurinn deildi skilaboðum um leigumorðingja skömmu fyrir hvarf Friðriks

Tveimur dögum áður en mik­il­vægt vitni í hvarfi Friðriks Krist­jáns­sonar seg­ist hafa séð höfuð hans, illa farið í glærum plast­poka, í sam­tali á Skype, birti ónefndi Íslend­ing­ur­inn, sem sagður er hafa haft höfuð Friðriks undir höndum, óhugn­ar­leg skila­boð á Facebook-vegg sínum. 

Ónefndi mað­ur­inn, sem er ekki nefndur á nafn í umfjöllun Stund­ar­innar af lög­fræði­legum ástæðum, deildi mynd á Facebook-síðu sinni með text­anum: „Deildu þessu ef þú þekkir ein­hvern sem er á lífi því þú hefur ekki efni á leigu­morð­ingja.“ 

Reyndi að ná í kærustu sína

Friðrik hvarf vorið 2013 og er vitað að leið hans lá til Paragvæ. Seinast heyrð­ist frá honum við landa­mæri Brasilíu og Paragvæ þar sem hann hugð­ist sækj­ast eftir „við­skipta­tæki­færi“. Þann 31. mars 2013 reyndi Friðrik þrisvar sinnum að hringja í kær­ustu sína, Cötiu Andreia, sam­kvæmt frá­sögn hennar í grein í prentút­gáfu Stund­ar­innar um málið. „Frikki hringdi þrisvar sinnum í mig með stuttu milli­bili. Hann hefur aldrei gert það áður. Það eina sem mér dettur í hug er að ein­hver örvænt­ing hafi gripið um sig þegar hann reyndi að hringja í mig. Eitthvað rosa­legt var að ger­ast. Eitthvað ekki gott. Ég hugsa oft um það hvað ef ég hefði svarað, hvað hefði gerst og hvað hefði Frikki sagt?“

Samkvæmt frá­sögn Íslend­ings, sem búsettur var í Hollandi og var í sam­bandi við Friðrik vegna við­skipt­anna, átti hann sam­tal við ónefnda Íslend­ing­inn í Paragvæ dag­inn eftir, sem sam­kvæmt vitn­is­burði Jóns, sagð­ist hafa „ákveðið að drepa Friðrik“. 

Birtist stuttu fyrir hvarf Friðriks Stöðu­upp­færsla bæði ónefnda Íslend­ings­ins og þess sem við köllum Jón í Amster­dam eru óhugn­ar­leg. Takið eftir dag­setn­ing­unum sem hafa verið merktar með rauðum hring.

Mynd: Skjáskot

Vitnið í Amster­dam, sem Stundin hefur kallað „Jón“ í umfjöllun sinni, vitn­aði um sam­tal sitt á Skype hjá lög­regl­unni á höf­uð­borg­ar­svæð­inu. Eftir að hafa séð hryll­ing­inn á Skype ákvað hann að fara frá Amster­dam til Íslands og bað lög­reglu um að fá að fara í fang­elsi og afplána dóm sem hann átti eftir að sitja af sér.

„Vá hvað þið eruð sjúk“

Tveimur dögum eftir sam­talið á Skype ákvað vitnið í Amster­dam að skrifa ummæli undir deil­ingu ónefnda Íslend­ings­ins á mynd­inni þar sem hann seg­ist vilja ein­hvern feigan. 

Stuttu eftir að ummælin birt­ust undir færsl­unni var henni eytt. Stundin hefur færsl­una undir höndum:

„Vá hvað thid erud sjúk. Thú tharnna hel­vitis ogeds­lega skitsei­did thitt [NAFN FJARLÆGT] hvad varstu ad spa thid hinn ættud ad ótt­ast mig meir en ég ykkur. Thad voru ekki thid sem sáuð hausin a felaga ykkar inn í mini­bar. Jaja mer er alveg sama hvad eg er ad segja. Augad hékk úr hausnum á honum kjálk­inn möll­brotin. Gulur vökvi kom úr mænuni tegar hann hjó hann af med bit­lausri svedjuni. Bara halló. frikki stod vid allt eins og stafur i bok,“ skrif­aði sá sem í umfjöllun Stund­ar­innar var kall­aður Jón.

Friðrik Krist­jáns­son hafði dvalið hjá vitn­inu í Hollandi í byrjun árs 2013 og alveg þar til hann flaug út í sína hinstu ferð.

„Afhverju gerdiru thad ekki vid ein­hvern sem er buinn ad vera ræna tig asnin thinn. Munidi eftir operation orange. Eg komst nu heldur betur af tví hver var buinn ad vera tala. T.d. Der kind­er­en­straat. Lög­fræd­ing­ur­inn minn fekk ad vita allt. [KVENMANNSNAFN FJARLÆGT] sparadi ekki ordinn,“ segir Jón og heldur áfram: „Eg vid­ur­kenni tad sem eg geri og hef alltaf gert og ju [NAFN FJARLÆGT] eg til­kynnti thetta til log­regl­una eins og thu veist. Thu ert buinn ad fucka mer upp og ollu sem vid vorum ad gera. Helduru eg vilji taka thatt i svona ogedi. tar skjalla­d­ist ter Ástædan fyrir tvi eg hrædd­ist tig ekki shit er su ad gafadi mor­ding­inn hefdi sagt nei hann hefur ekki komid. Hann frikki. Eg fer i fjöl­midla fljott­lega og segi theim hvernig thetta var. Sjuki djofull fara svo med hausin i bak­poka a burger king og thykkj­ast gleyma bak­pok­anum. Og lest afgreidslu­stelpuna rett a ther bak­pokan.“

Lögreglan veit af skilaboðunum

Það sem Jón vísar til í lok skila­boð­anna er höfuð Friðriks Krist­jáns­sonar. Samkvæmt heim­ildum Stund­ar­innar vita lög­reglu­yf­ir­völd af þessum skila­boðum á Facebook. Þá hafi yfir­völdum einnig borist upp­lýs­ingar um að hluta af lík­ams­leifum Friðriks hafi verið komið fyrir í einum af ruslagámum skyn­bita­staðar í Paragvæ. Sama skyndi­bita­staðar og vitnið í Amster­dam vísar til í skila­boðum sínum á Facebook.

Ónefndi Íslend­ing­ur­inn er sagður hafa greint vinum sínum frá þessu, meðal ann­ars Jóni sjálfum. 

Leita enn Friðriks

Lögregla, fjöl­skylda og vinir Friðriks Krist­jáns­sonar standa enn í leit að Friðriki. Þau hafa ekki gefið upp alla von um að vís­bend­ingar um hvarf Friðriks ber­ist yfir­völdum. Þau bíða og hvetja alla til þess að stíga fram sem telja sig hafa upp­lýs­ingar um hvarfið.

Lög­reglu­yf­ir­völd hér á landi höfðu leitað að Guðmundi Spar­takusi Ómars­syni vegna máls­ins í rúm þrjú og hálft ár, eða frá því Friðrik hvarf í Paragvæ í Suður-Ameríku árið 2013, þegar hann birt­ist skyndi­lega hér á landi fyrr í vetur. 

Guð­mundur Spar­takus Ómarsson Stundin hefur ítrekar reynt að ná tali af honum í tengslum við hvarf Friðriks en ekki haft erindi sem erf­iði.

Ítarlega er fjallað um hvarf Friðriks í nýjasta tölu­blaði Stund­ar­innar. Umfjöll­un­ina má lesa í heild sinni hér: Farvegur fíkni­efn­anna end­aði með hryll­ingi.

Stundin hefur á und­an­förnum vikum ítrekað reynt að ná tali af Guðmundi Spar­takusi vegna máls­ins en án árang­urs. Haft var sam­band við fjöl­skyldu­með­limi, vini og reynt var að koma skila­boðum til hans í gegnum lög­fræð­ing hans, Vilhjálm H. Vil­hjálms­son, sem hefur sent kröfu­bréf á fjölda fjöl­miðla vegna umfjöll­unar um fréttir í Suður-Ameríku þar sem Guð­mundur Spar­takus er bendl­aður við við­skipti með fíkni­efni. 

Vil­hjálmur hafn­aði því að hjálpa til við að ná sam­bandi við Guðmund Spar­takus, þegar Stundin hafði sam­band við hann, og hót­aði lög­sókn ef nafn umbjóð­anda hans myndi birt­ast í umfjöll­un­inni. Um hvarf Friðriks verður þó ekki skrifað án þess að minn­ast á nafn Guð­mundar Spar­takusar sem talið hefur verið að búi yfir upp­lýs­ingum sem geti varpað ljósi á hvarfið.