Þessi grein birtist upphaflega í Stundinni fyrir meira en 9 árum.

Ritstjóri nýs fríblaðs á Íslandi fagnar lögum gegn femínisma, kynvillu og fóstureyðingum

Guð­mund­ur Örn Ragn­ars­son prest­ur er rit­stjóri Betra lands sem dreift var á heim­ili flestra lands­manna í gær. Hann er ánægð­ur með Vla­dimir Pútín Rúss­lands­for­seta fyr­ir að setja lög „sem fara gegn femín­isma, gegn kyn­villu, gegn fóst­ur­eyð­ing­um“.

Ritstjóri nýs fríblaðs á Íslandi fagnar lögum gegn femínisma, kynvillu og fóstureyðingum
Ritstjóri Guðmundur Örn Ragnarsson er ritstjóri Betra lands.

Ekki er hægt að segja annað en blaðaútgáfa á Íslandi sé í blóma með öllum þeim fríblöðum sem koma inn um lúgur landsmanna um þessar mundir. Nú hefur kristilega sjónvarpsstöðin Omega hafið frídreifingu á blaði sem prentað er í 117 þúsund eintökum. Blaðið nefnist Betra land og er presturinn Guðmundur Örn Ragnarsson ritstjóri, sem jafnframt er forstöðumaður Samfélags trúaðra, sem heldur úti síðunni Biblebelievers.is. Í blaðinu má meðal annars finna grein þar sem Vladimir Pútín er hrósað fyrir loftárásir í Sýrlandi og honum hampað sem „nútíma krossfara“.

 

Leiðari blaðsins fjallar um þá óvissutíma sem nú standa yfir og eru lesendur eindregið hvattir til að horfa á dagskrá Omega. „Það er ánægjulegt að hafa tækifæri til þess að senda inn á heimili landsmanna blaðið Betra land, sem við trúum að eigi eftir að verða til mikillar blessunar fyrir marga, bæði uppörvun og trúarstyrkur á þessum tímum sem við lifum á þar sem mikil óvissa er ríkjandi og margir hlutir eiga sér stað sem er erfitt að hafa stjórn á.

Eiturlyf flæða inn í landið og leggja að velli marga, jafnt unga sem eldri. Það ríkir ráðleysi um hvernig sé hægt að takmarka þetta eða stöðva [...],“ segir í leiðara Betra lands.

Í samtali við Stundina segir Guðmundur Örn að blaðið muni koma út í það minnsta næstu tvo mánuði. Ljóst er að prentun og dreifing á blaði í svo miklu upplagi er ekki ódýr. „Jú, jú, þetta kostar peninga, þetta er svipað brot og Bleikt,“ segir Guðmundur Örn og vísar til nýs prentblaðs á vegum vefsíðunnar Bleikt.is. Hann segir að erfitt hafi reynst að fá auglýsingar í blaðið. „Það hefur ekki gengið vel hjá okkur á Omega að fá inn auglýsingar. Auglýsendur eru oft hræddir við trúmálin, að þeir verið bendlaðir við það að þeir séu svona heittrúaðir eins og við. Eins og er þá er þetta gefið út fyrir styrktarfé alveg eins og sjónvarpsstöðin. Við höfum aldrei verið á mótið því að hafa auglýsingar,“ segir Guðmundur Örn.

Hrifinn af Pútín                                                                                       

Ein greinin er þýdd frétt frá Assist News um samstarf rússnesk Rétttrúnaðarkirkjunnar við Vladimir Pútín vegna loftárása þess síðarnefnda á Sýrlandi. Í þessari frétt Betra lands er Pútín lýst sem nútíma krossfara og síðasta verndara kristinnar trúar. „Það er e.t.v. kaldhæðnislegt, að Pútín hefur tekið við stöðu nútíma krossfara, og sett Rússland í hlutverk síðasta verjanda Kristinnar trúar,“ segir í fréttinni.

Greinin um Pútín
Greinin um Pútín
 

Guðmundur Örn ritstjóri segist taka undir hvert orð í greininni. „Já, ég er sammála þessu. Ég er búinn að gera miklar rannsóknir á vefsíðum, meira að segja amerískum, þar sem fjallað er um Pútín og sögu hans. Vesturlönd hafa verið skeptísk á Pútín og hvort það geti verið að honum hafi verið snúið til kristinnar trúar. Ég get ekki séð annað en eftir mínar rannsóknir en að hann hafi snúist. Við hefðum getað verið með miklu meira um Pútín í blaðinu og kannski gerum við það. Við höfum gert það á stöðinni,“ segir Guðmundur Örn.

Hann segir að Bandaríkin og Rússlands hafi skipt um hlutverk sem siðferðispostular. „Nú eru Bandaríkin að brjóta niður trúna, styðja kynvillu og fóstureyðingar og allt það. Pútín gerir allt öfugt. Hann setur lög sem fara gegn femínisma, gegn kynvillu, gegn fóstureyðingum. Allt öfugt, en þessi lög voru við lýði í Bandaríkjunum,“ segir Guðmundur Örn.

Rússland hóf nýverið loftárásir í Sýrlandi en Pútín er helsti bandamaður Bashar al-Assad. Greint hefur verið frá því að meirihluti árásanna, um 90 prósent, hefur verið beint að uppreisnarmönnum sem berjast fyrir lýðræði. Íslamska ríkið hefur að mestu sloppið við loftárásir Rússa.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Júlía Margrét Alexandersdóttir
1
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Júlía Margrét Alexandersdóttir
2
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár