Sýningin Heroine WOD verður opnuð í Norræna hús­inu laug­ar­dag­inn 11. febr­úar næst­kom­andi. Heroine WOD, sem er til­bún­ingur sænsku lista­kon­unnar Victoriu Cleverby, er kven­kyns útgáfa af CrossFit-æfingum sem kall­ast Hero WOD. Æfing­arnar, sem eru und­ir­staða í CrossFit, eru nefndar eftir körlum sem falla í stríði. Engar æfingar eru hins vegar gerðar til að minn­ast þeirra kvenna sem misst hafa lífið í stríði. „Hvernig tölum við um konur í hernum og hvernig heiðrum við þær sem falla í stríði?“ eru spurn­ingar sem lista­konan spyr sig í verk­inu, en mark­mið sýn­ing­ar­innar er meðal ann­ars að gera áhorf­and­ann með­vit­aðan um karllægni sam­fé­lags­ins. 

Heroine WOD Verkið heiðrar minn­ingu fall­inna kven­her­manna.

Mynd: Úr einka­safni

Victoria segir skemmti­legt að setja sýn­ing­una upp á Íslandi, sér­stak­lega í ljósi þess að Íslend­ingar eigi eitt fremsta CrossFit íþrótta­fólk í heimi og frá­bært CrossFit sam­fé­lag. „Í Norræna hús­inu mun ég sýna fimm æfingar sem til­eink­aðar eru kven­kyns her­mönnum og eru æfing­arnar …