Karl­maður á fer­tugs­aldri er í haldi lög­regl­unnar á höf­uð­borg­ar­svæð­inu grun­aður um að hafa orðið manni að bana í búsetu­kjarna fyrir geð­fatl­aða við Miklu­braut í Reykja­vík í gær­kvöld. Lögreglu barst til­kynn­ing um alvar­lega lík­ams­árás í áður­nefndu húsi kl. 21.55, en þegar hún kom á stað­inn örskömmu síðar fannst karl­maður um sex­tugt sem hafði orðið fyrir lík­ams­árás og var hann úrskurð­aður lát­inn á vett­vangi. Lagt var hald á egg­vopn, sem grunur leikur á að hafi verið notað við verkn­að­inn. Hinn látni bjó í hús­inu og meintur ger­andi sömu­leiðis, en eng­inn annar er grun­aður í mál­inu. Lögð verður fram krafa um gæslu­varð­hald yfir hinum hand­tekna síðar í dag.

Samkvæmt upp­lýs­ingum frá lög­reglu er rann­sókn máls­ins á frum­stigi og ekki hægt að veita frek­ari upp­lýs­ingar að svo stöddu.

Stundin hefur heim­ildir fyrir því að oft hafi verið kvartað vegna ástands­ins á heim­il­inu en nágrannar hafa haft áhyggjur af því að þar hafi verið mikil neysla á fíkni­efnum. „Þetta er slys sem hefði verið hægt að koma í veg fyrir, ef það hefði verið vilji fyrir því,“ segir nágranni í sam­tali við Stundina.