Ótrúleg saga af Daníel Auð­uns­syni frá Böð­móðs­stöðum á Suð­ur­landi, sem heldur því fram að hann hafi orðið millj­arða­mær­ingur á sölu á kín­verskum vörum á vef­versl­un­inni Amazon, hefur vakið mikla athygli. Daníel heldur því auk þess fram að fyr­ir­tæki hans selji vörur fyrir milljón doll­ara á mán­uði. Frétta­netið fjall­aði fyrst um að hann væri orð­inn millj­arða­mær­ingur.

Sé leitað að bæði nafni hans eða einu af hans „sölu­kerfum“, eFormula Evolution, blasir við löng slóð af mis­jafn­lega dul­búnum kynn­ing­ar­síðum sem virð­ast til þess gerðar að sann­færa til­von­andi kúnna með fjölda­fram­leiddum vef­síðum með sama boð­skap, leit­ar­véla­bestun þar sem ein­göngu finn­ast vef­síður á vegum fyr­ir­tæk­is­ins, jafn­vel þótt leitað sé að nei­kvæðri upp­lifun af vör­unni, og til­búnum tíma- og aðgangs­tak­mörk­unum á vefnámskeiðum.

Síðurnar bera ein­kenni þess að vera vef­síðu­út­gáfa af rusl­pósti eða spam. Má þar meðal ann­ars nefna ýmsa aug­ljósa gervi­gagn­rýni á eFormula Evolution sem hefst á orðum eins og „ekki kaupa“ eða „svik“ en áður en langt er liðið er við­kom­andi hvattur til að kaupa vör­una.

Meint vel­gengni Daníels hefur vakið athygli og hrós­aði til að mynda Vigdís Hauks­dóttir, for­maður fjár­laga­nefndar Alþingis, for­eldrum hans á Facebook.

Ýttu hér til að auðgast hratt

Allar „greinar“ á vef­síð­unni build­inga­brandon­line.com hefj­ast á orð­unum „Don´t buy“ og er gagn­rýni vef­síð­unnar á eFormula Evolution engin und­an­tekn­ing. „Það sem ég hef kom­ist að er að flest net­nám­skeið passa sumu fólki ekki, standa ekki fylli­lega við lof­orð, eru end­ur­pakk­aðir gamlar vörur, eða ein­fald­ega svika­myllur. Ég er ekki að segja að eFormula Evolution eftir Tim Godfrey, Ryan Coisson, Steve Clayton, Daniel Auduns­son og Aidan Booth sé svika­mylla eða passi sumum ekki, en ég vil sýna ykkur örlitið um það,“ segir í gagn­rýn­inni sem endar þó á að hvetja les­anda til að kaupa þetta ein­fald kerfi sem geti hjálpað manni að verða ríkur fljótt.

Önnur vef­síða að nafni scamwatchdog.org gefur sig út fyrir að vera síða sem gerir upp ýmsar svika­myllur. Raunin er þó hið gagn­stæða. Í umfjöllun síð­unnar um eFormula Evolution er því haldið fram að hver sem er geti lært kerfið og farið að græða ríf­lega fimm millj­ónir króna á mán­uði.

Við störf Daníel rekur fyr­ir­tækið sitt í Fil­ipps­eyjum.

Boðið upp á biðlista

Þrátt fyrir mikla leit er þó hvergi sjá­an­leg nokkur vara sem Daníel eða fyr­ir­tæki hans selur fyrir utan nýja og nýja útgáfu af net­nám­skeiðum sem eiga að kenna hvernig hægt sé að verða ríkur skjótt með því að selja vörur á Amazon. Á heima­síðu sinni seg­ist hafa þróað eFormula Evolution um nokk­urt skeið. Sé hins vegar farið inn á þá síðu sem Daníel deilir á heima­síðu sinni kemur fram að eFormula Evolution nám­skeið­inu sé nú lokið. Þó er enn mögu­legt að skrá tölvu­póst sinn hjá Daníel og félögum. Sé smáa letrið skoðað á flest öllum þessum vef­síðum kemur fram að fyr­ir­tæki Daníels sé ekki ábyrgt fyrir því ef kerfið virki ekki. „Allar yfir­lýs­ingar um gróða eða tekjur eru ágiskun á hvað við teljum að þú getir grætt,“ segir á einum stað.

Á heima­síðu sinni segir Daníel enn fremur að hann eigi í heild­ina fimmtán vöru­merki og að hann haldi úti skrif­stofum bæði í Kína og Fillips­eyjum. Samtals starfi nærri 50 manns hjá honum. Hér fyrir neðan má sjá mynd­band þar sem starfs­menn Daníels segja frá skrif­stofu­líf­inu. 

Ávallt vísað á lokaðar dyr

Daníel og félagar virð­ast einnig halda úti vef­síðu sem heitir www.eformulaevolutionreviews.com sem í fljótu bragði virð­ist vera gagn­rýni á kerfið. Eftir aðeins örfáar sek­úndur breyt­ist vef­síðan í sölu­síðu fyrir það sama kerfi. „Skoðaðu Amazon fyr­ir­tæki Ryan og Daníels sem veltir 5 milljón dollar á ári,“ segir á borð­anum sem kemur upp. Ýtti við­kom­andi á hnapp­inn er manni vísað á fyrr­nefndar lok­aðar dyr þar sem sagt er að maður hafi rétt misst af nám­skeið­inu.

Segist af hafa grætt á „e-bókum“

Í gær var Daníel í við­tali við útvarps­þátt­inn Harma­geddon og lýsti hann þar leið sinni að vel­gegni.

Daníel: „Ég fór að fikta við, mig lang­aði að búa til ein­hvers­konar business þar sem ég gæti verið frjáls til að ferð­ast um heim­inn. Ég fann út að maður gæti selt vörur, alls­konar hluti, á inter­net­inu. Svo fann ég nám­skeið um að selja vörur á Amazon. Mér fannst það meika mikið sense því ég hef keypt vörur af Amazon. Ég átti engan pen­ing þannig að ég gat ekki keypt vörur og selt á Amazon, þó að maður þurfi ekki að vera með mik­inn pen­ing. Ég byrj­aði á því að gefa út svona litlar e-bækur fyrir Kindle á Amazon. Ég lærði á síð­una með að selja þessar litlu bækur.“

Frosti: „Byrj­að­irðu að gefa út þínar eigin bækur?“  

„Byrj­að­irðu að gefa út þínar eigin bækur?“

Daníel: „Ég keypti svona stuttar e-bækur af fólki út um allan heim, sem ég borg­aði kannski fimm til tíu þús­und kall til að skrifa svona litla bók um ein­hvern heilsu­diet og svo­leiðis. Svo gaf ég þær út á Kindle og mark­að­seti á Amazon. Þær seldi og ég byrj­aði að græða.“

„Amazing sell machine“ Daníel á sviði ásamt við­skipta­fé­lögum sínum að kynna „ótrú­legu söluma­sk­ín­una“, eitt af nám­skeiðum hans.

Fyrsta vörumerkið fæðubótavara

Daníel segir í við­tal­inu að þessi bóka­út­gáfa hafa aðeins varað í stuttan tíma. Gróðinn hafi haf­ist fyrir alvöru þegar hann fór að selja „alvöru vöru“. „Ég byrj­aði að selja heilsu­tengda vöru, fit­ness og fæðu­bóta­vöru og svo­leiðis. Það er fyrsta vöru­merkið sem ég bjó til. Það er lyk­ill­inn að þessu. Það eru alls­konar tricks, en það eru alls­konar vörur á Amazon, fræg vöru­merki. En þú getur „basically“ auð­veld­lega búið til þitt eigið vöru­merki. Þú þarft bara að kaupa vörur frá fram­leið­anda og setja eigin pakkn­ingu utan um og þá ertu kom­inn með eigið vöru­merki,“ sagði Daníel.

„Já, hagn­að­ur­inn er millj­arðar, eða millj­arður.“

Í  sama við­tali er Daníel spurður hvort auður sinn sé í dag met­inn á millj­arð líkt og oft hefur komið fram. „Já, hagn­að­ur­inn er millj­arðar, eða millj­arður. Já, það er alveg hægt að segja það, þó ég myndi ekki kalla mig það alveg eins og er, en maður getur sagt það kannski,“ svarar Daníel.