Konan sem barðist við vopnaða uppreisnarmenn – með Twitter

Það er ekki að ástæðu­lausu sem Nadia Al-Sakkaf frá Jemen var útnefnd ein af 100 konum sem breytt hafa heim­inum. Árið 2005 varð hún rit­stjóri virta dag­blaðs­ins Yemen Times, þá 27 ára gömul. Þegar arab­íska vorið reið yfir landið mót­mæltu hún og sam­verka­menn hennar og kröfð­ust afsagnar Saleh for­seta, auk þess að flytja fregnir af upp­reisn­inni til umheims­ins. Haustið 2014 var hún gerð að ráð­herra upp­lýs­inga­mála, en rík­is­stjórnin varð skamm­líf því í jan­úar 2015 réð­ust vopn­aðir upp­reisn­ar­menn á höf­uð­borg­ina. Fyrsta verk þeirra var að koma á fjöl­miðla­banni með því að ryðj­ast inn á rit­stjórnir og beina byssum að frétta­mönnum. Nadia brást við með því að halda áfram frétta­flutn­ingi með eina mót­inu sem henni var fært: Á Twitter. Hún neydd­ist til að flýja ásamt fjöl­skyldu sinni og býr í dag í Bret­landi, þar sem hún stundar dokt­ors­nám. Nadia Al-Sakkaf sat fyrir svörum þann 17. maí síð­ast­lið­inn á Stockholm Internet Forum, stærstu …