Endurkjörinn í stjórn RÚV: Telur Sigmund hafa sætt árásum og vill öll Panama-skjöl „upp á borð“

Kristinn Dagur Giss­ur­ar­son og Guð­laugur G. Sverr­is­son, sem báðir hafa farið hörðum orðum um efn­is­tök og frétta­flutn­ing Rík­is­út­varps­ins, verða áfram full­trúar Fram­sókn­ar­flokks­ins í stjórn RÚV. Kosið var í stjórn­ina á Alþingi í gær en aðal­menn verða, auk Kristins og Guðlaugs, þau Mörður Árnason, Gunnar Sturlu­son, Úlf­hildur Rögn­valds­dóttir, Jón Ólafsson, Heiðrún Lind Mart­eins­dóttir, Friðrik Rafnsson og Lára Hanna Ein­ars­dóttir.

Kristinn Dagur hefur sýnt frétta­stofu RÚV tals­vert aðhald í gegnum tíð­ina, meðal ann­ars á Facebook-síðu sinni sem er opin og aðgengi­leg öllum. Hefur hann verið gagn­rýn­inn á frétta­flutn­ing af ýmsum málum, sér­stak­lega þó af mál­efnum sem tengj­ast Fram­sókn­ar­flokknum. Und­an­farnar vikur hefur Kristinn deilt pistlum, meðal ann­ars eftir þing­menn flokks­ins, þar sem Rík­is­út­varpið er sakað um að stunda hernað gegn Sigmundi Davíð Gunn­laugs­syni, fyrr­ver­andi for­sæt­is­ráð­herra.