Í þar síð­ustu viku var til­kynnt aukin heim­ild um ferðir að gos­inu í Holu­hrauni. Ferða­þjón­ustu­að­ilar fóru könn­un­ar­ferð á mið­viku­dag í síð­ustu viku til að kanna skil­yrði fyrir að fara með ferða­menn í sýn­is­ferðir um svæðið. Einn þeirra lýsir yfir mik­illi óánægju með þann hátt sem Almanna­varnir hafa staðið að málum og seg­ist von­svik­inn með að hafa ekki getað nýtt gosið betur.

„Þetta er ekki neitt neitt,“ segir Yngvi Ragnar Krist­jáns­son um gosið en hann er rekstr­ar­að­ili ferða­þjón­ust­unnar Mývatn ehf. „Að fara í ferðir þarna er ótrú­legt í sjálfu sér vegna hálend­is­lands­lags­ins en gosið er mjög lítið. Gíg­barm­arnir eru orðnir svo stórir að það sést bara bjarmi“. Hann segir það besta sem gæti gerst væri að gosið myndi hætta og að hægt væri að fara ferðir upp að hraun­inu. „Þetta er bara spurn­ing um hver varan er sem verið er að selja, það er í raun ekki hægt að selja ferða­mönnum …