Hið virta við­skipta­tíma­rit Business Insider tók saman lista yfir vin­sæl­ustu drauma­á­fanga­stað­ina í heim­inum og birti í byrjun apríl en yfir­skrift sam­an­tekt­ar­innar er kannski ekki sú sem við mætti búast.

Yfir­skriftin er ein­fald­lega: „12 drauma­á­fanga­staðir sem í raun­inni vilja ekki fá þig“ og er þar vísað í úttekt Ferða­mála­stofu Íslands sem sagði það vit­ur­legt að tak­marka fjölda ferða­manna hingað til lands þar til inn­viðir lands­ins, þá sér­stak­lega vega­kerfið, myndi ráða betur við fjölg­un­ina.

 „Líkt og margir drauma­á­fanga­staðir þá er árlegur fjöldi ferða­manna gríð­ar­legur ef hann er bor­inn saman við þann fjölda sem býr þar.“ 

Á list­anum eru meðal ann­ars áfanga­staðir eins og Cinque Terre á Ítalíu, gríska eyjan Santor­ini og hinir heims­frægu Mogao hellar í Kína.

Allir þessir staðir hafa tekið upp á því að hefta eða setja fjölda­tak­mark­anir á heim­sóknir ferða­manna. Á list­ann kemst Ísland en þar er, eins og áður segir, er vísað í umrædda úttekt Ferða­mála­stofu Íslands.

Fjölgun ferðamanna rakin til lággjaldaflugfélaga

Í sam­an­tekt Business Insider segir um Ísland: „Líkt og margir drauma­á­fanga­staðir þá er árlegur fjöldi ferða­manna gríð­ar­legur ef hann er bor­inn saman við þann fjölda sem býr í land­inu. Fjöldi ferða­manna hefur tvö­fald­ast og jafn­vel þre­fald­ast á und­an­förnum árum þökk sé lággjalda­flug­fé­laga á borð við WOW og Norwegian Air Shuttle. Aðal­á­hyggjur lands­manna snúa að því hvar allir þessir ferða­menn eiga að geta gist auk þess sem úttekt á vegum Ferða­mála­stofu Íslands komst að þeirri nið­ur­stöðu að það væri vit­ur­legt að tak­marka fjölda ferða­manna þar til inn­viðir, aðal­lega vegir lands­ins, væru betur í stakk búnir til þess að taka á móti þeim öllum.“

Business Insider Sá hluti við­skipta­tíma­rits­ins sem fjallar um ferða­lög birti þessa úttekt í apríl