Björk Eiðsdóttir fékk heilablæðingu

Björk Eiðs­dóttir, rit­stjóri MAN-Magasín og þátta­stjórn­andi á Hring­braut, fékk heila­blæð­ingu við mænu­kylf­una fyrir rúmum tveimur vikum og hefur verið frá vinnu vegna veik­inda síðan. Frá þessu segir hún í pistli á hring­braut.is. „Fyrir rúmum tveimur vikum var ég keyrð með sjúkra­bíl á spít­ala. Ég ætl­aði nú bara að leggja mig og athuga hvort sviminn, höf­uð­verk­ur­inn og skekkjan á vinstri hluta and­lits­ins myndi ekki bara jafna sig,“ skrifar hún meðal ann­ars. Hún seg­ist fyrst hafa haldið að eitt­hvað slen væri komið yfir hana en eftir að hafa verið sann­færð af einkar ákveðnum vin­konum sínum og dóttur um að kíkja á lækna­vakt­ina hafi hún endað á sjúkra­börum og beint á sjúkra­hús.

Ekki streita sem varð til þess að æðin rofnaði

„Til að gera langa sögu stutta kom í ljós að ég hafði orðið fyrir heila­blæð­ingu við mænu­kylf­una (svo­kallað Wallenberg heil­kenni). Hún er óút­skýrð og ekk­ert sem ég gerði eða ekki gerði olli henni eða hefði komið í veg fyrir hana. Það var ekki streita, háþrýst­ingur eða neitt slíkt sem varð til þess að æðin rofn­aði og hefði hún gert það þó ég væri barn­laus jóga­kenn­ari í ham­ingju­sömu hjóna­bandi sem drekkur grænt te og borðar hrá­fæði í hörfötum við lág­stemmda slök­un­ar­tón­list alla daga,“ skrifar Björk.

„Karl í minni stöðu hefði ekki upp­lifað sömu við­brögð“

„Verandi aftur á móti þriggja barna ein­stæð móðir sem rekur fyr­ir­tæki, rit­stýrir tíma­riti, stjórnar viku­legum sjón­varps­þætti og tekur virkan þátt í líf­inu, virt­ist eng­inn (nema heil­brigð­is­starfs­fólk) efast um að ég hefði hrein­lega keyrt mig út, unnið yfir mig... loks bug­ast af álag­inu. Með fullri virð­ingu fyrir því að keyra þannig á vegg þá fór þessi „grein­ing“ ekki vel í mig. Ekki síst vegna þess að sá grunur læð­ist sterk­lega að mér að karl í minni stöðu hefði ekki upp­lifað sömu við­brögð . Hefði það verið það fyrsta sem fólki dytti í hug ef karl­kyns yfir­maður á besta aldri og í fínu formi hefði lagst inn á spít­ala? Ég leyfi mér að segja nei. Sjálfri leið mér svo­lítið eins og fólk vildi bara að ég legði mig, slak­aði aðeins á og breytti for­gangs­röð­un­inni,“ skrifar Björk en hún kemur til starfa í næstu viku.