Theresa May mun láta af embætti forsætisráðherra Bretlands og hætta sem leiðtogi Íhaldsflokksins þann 7. júní næstkomandi.
Þetta tilkynnti hún í beinni sjónvarpsútsendingu við embættisbústaðinn í Downingstræti laust eftir klukkan níu í morgun.
Afsögnin hefur legið í loftinu og bjuggust fréttaskýrendur þar í landi við því að hún myndi stíga til hliðar eftir að illa gekk fyrir hana að útfæra Brexit en málið hefur reynst henni gríðarlega erfitt.
Í frétt The Guardian kemur fram að forsætisráðherrann muni halda áfram að búa í forsætisráðherrabústaðnum við Downingsstræti og taka á móti Donald Trump, forseta Bandaríkjanna, en hann er væntanlegur í heimsókn. Einnig mun May vera til staðar þegar úrslit úr kosningum til Evrópuþingsins verða kunngjörð næstkomandi fimmtudag.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.



















































Athugasemdir