Aðstoðarmaður Bjarna segir að skattleysismörkum verði haldið óbreyttum

Enn ýmsum spurn­ingum ósvarað um fyr­ir­ætl­anir rík­is­stjórn­ar­innar.

Páll Ásgeir Guðmundsson, aðstoðarmaður ráðherra, og Bjarni Benediktsson fjármálaráðherra.
Páll Ásgeir Guð­munds­son, aðstoð­ar­maður ráð­herra, og Bjarni Bene­dikts­son fjár­mála­ráð­herra. Mynd: Pressphotos.biz

Páll Ásgeir Guð­munds­son, aðstoð­ar­maður Bjarna Bene­dikts­sonar fjár­mála­ráð­herra, segir að rík­is­stjórnin vilji halda per­sónu­af­slætti og skatt­leys­is­mörkum óbreyttum næstu árin meðan skatt­kerf­is­breyt­ingar verða inn­leiddar.

„Hann [per­sónu­af­slátt­ur­inn] verður fryst­ur á meðan verið er að inn­leiða nýtt kerfi, í þrjú ár. Skatt­leys­is­mörk­um verður haldið óbreytt­um,“ segir Páll í við­tali við Mbl.is.

Sé þetta raunin munu per­sónu­af­sláttur og skatt­leys­is­mörk rýrna umtals­vert að raun­virði. Ummælin eru að vissu leyti í sam­ræmi við upp­lýs­ingar sem gefnar hafa verið í til­kynn­ingu á vef fjár­mála­ráðu­neyt­is­ins. Þar er talað um „til­lögur starfs­hóps­ins að breyttum skatt­þrepum, skatt­hlut­falli, per­sónu­af­slætti og skatt­leys­is­mörkum“ en gefnar upp fjár­hæðir per­sónu­af­sláttar og skatt­leys­is­marka sem eru óbreyttar, þær sömu og gilda árið 2019, þ.e. 56.477 krónur og 159.174 krónur.

Í glæru­sýn­ingu fjár­mála­ráð­herra kom hins vegar fram að áætluð skatt­leys­is­mörk miðað við verð­lags­þróun yrðu 178.503 krónur árið 2022, þ.e. myndu ekki hald­ast óbreytt næstu árin. Einungis per­sónu­af­sláttur yrði frystur á tíma­bil­inu.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
5
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár