Komnir á Tinder eftir ásakanir og dóma fyrir ofbeldi gegn konum

Ungur maður, sem dæmdur var nýlega fyrir tvær hrotta­legar nauðg­anir, leitar eftir kynnum við konur á stefnu­móta­app­inu Tinder. Annar maður, ódæmdur, hefur verið ásak­aður um alvar­legt heim­il­is­of­beldi af fleiri en einni konu og fer fram á fang­els­is­vist yfir einni þeirra vegna frá­sagnar hennar.

Í leit að kynnum
Í leit að kynnum Konum hefur und­an­farið verið bent á að tveir menn, sem eru nú á stefnu­móta­app­inu Tinder, hafi verið til umræðu vegna alvar­legra mála. Mynd: Tinder / Samsett mynd

Ungur maður sem nýverið var dæmdur fyrir hrotta­fengnar nauðg­anir er kom­inn á stefnu­móta­appið Tinder þar sem hann reynir að kom­ast í kynni við konur.

Tinder gengur út á að gera fólki kleift að tengj­ast öðrum sem hafa nán­ari kynni í huga. Tak­mark­aðar upp­lýs­ingar eru um fólk á Tinder og byggir for­ritið á því að not­endur velji eða hafni á útlits­legum for­sendum og svo byggt á því sem not­endur skrifa um sjálfa sig.

Elvar Sig­munds­son var dæmdur fyrir tvær nauðg­anir fyrir hálfu ári. Báðar stúlk­urnar voru sextán ára gamlar. Önnur stúlkan hefur greint frá því að hún búi aðeins í 15 mín­útna fjar­lægð frá mann­inum, nú þegar hann hefur verið settur í opið úræði á Vernd í Laug­ar­dalnum í Reykja­vík, hálfu ári eftir dóm­inn.

Gagnrýnt hefur verið að hann hafi ekki sætt gæslu­varð­haldi í fyrra, ekki síst í ljósi þess að sex dögum eftir ofbeld­is­fulla nauðgun nauðg­aði hann annarri sextán ára stúlku, sem náði að flýja undan honum í blóði sínu eftir að vinir Elvars heyrðu hjálp­ar­kall frá henni í læstum bíl­skúr. „Hún öskr­aði bara og kom ekki orði upp úr sér. Það frusu eig­in­lega allir,“ sagði vitni í mál­inu, vinur Elvars, sem kom að nauðg­un­inni.

Und­an­farið hafa stúlkur verið var­aðar við því á sam­fé­lags­miðlum að Elvar, sem hafi þessa for­sögu, sé á Tinder undir nafn­inu Elvar. Hann hefur einnig kallað sig Elvar Miles.

Á Tinder eftir ásakanir um heimilisofbeldi

Annar maður, sem hand­tek­inn var í Banda­ríkj­unum í mars, eftir að sam­býl­is­kona hans hlaut alvar­lega áverka og kall­aði til lög­reglu, er einnig kom­inn á Tinder í leit að nýjum kynnum. Fleiri en ein kona hafa greint frá því að hann hafi beitt þær ofbeldi, en hann hefur ekki verið dæmdur.

Hanna Kristín Skafta­dóttir opn­aði sig um atvik í mars, þar sem mað­ur­inn var hand­tek­inn eftir að lög­reglan var kölluð til á Four Seasons hót­el­inu í Austin í Texas, þar sem hún var á ferða­lagi til að halda fyr­ir­lestra.

„Ég var í sömu sporum með þessum sama manni í allt, allt of langan tíma,“ sagði önnur kona á Facebook, sem lýsti einnig ofbeldi af hans hálfu.

Maðurinn, Magnús Jónsson, hefur tví­vegis verið hand­tek­inn fyrir ölvun við akstur frá því hann kom aftur til lands­ins. Í öðru til­vik­inu, í Borg­ar­nesi í apríl síð­ast­liðnum, lagði sam­ferða­kona hans á flótta undan honum og kall­aði til lög­reglu og síðar lög­mann.

Hann hefur ekki verið dæmdur fyrir ofbeld­is­málin.

Vill 1,5 milljónir frá konunni og fangelsisvist

Hanna Kristín Skafta­dóttirMaður, sem var hand­tek­inn eftir að hún hringdi á lög­reglu vegna ofbeldis, hefur hótað henni að hann muni fara fram á tveggja ára fang­elsi yfir henni og krefja hana um 1,5 millj­ónir króna vegna frá­sagnar hennar.

Magnús sendi Hönnu Kristínu hótun um mál­sókn vegna frá­sagna hennar af ofbeld­inu í lok júlí.

Þar er lögð fram krafa um að hún „verði látin sæta ýtr­ustu refs­ingu sem lög leyfa“, en meið­yrði flokk­ast undir almenn hegn­ing­ar­lög og er hámarks­refs­ing fang­els­is­vist. Meðal ann­ars hótar Magnús að kæra Hönnu Kristínu á grund­velli þess að hún hafi sagt frá „einka­mál­efnum“ og svo að hún hafi breitt út hat­ursá­róður og móðgað eða smánað fyrr­ver­andi maka. Laga­greinar sem lög­maður Magnúsar vitnar hafa refsiramma upp á tveggja ára fang­els­is­dóm, og er farið fram á hámarks­refs­ingu.

„Ég upp­lifi þetta sem áfram­hald­andi ofbeldi af hans hálfu,“ sagði Hanna Kristín. „En ég stend áfram sterk og keik­ari ef eitt­hvað er fyrir vikið og mun standa and­spænis mann­inum fyrir dóm­stólum með sann­leik­ann að vopni.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

2
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár