Geir Jón skrifaði meðmæli fyrir nauðgara sem hann rannsakaði

Geir Jón Þórisson, vara­þing­maður Sjálf­stæð­is­flokks­ins á síð­asta kjör­tíma­bili og yfir­lög­reglu­þjónn í Reykja­vík til margra ára, skrif­aði með­mæli fyrir dæmdan kyn­ferð­is­brota­mann sem hann rann­sak­aði sjálfur sem lög­reglu­full­trúi í Vest­manna­eyjum.

Geir Jón Þórisson
Geir Jón Þórisson Var lög­reglu­full­trúi í Vest­manna­eyjum þegar nauðg­un­ar­mál kom upp. Veitti nauð­gar­anum síðar með­mæli fyrir upp­reist æru. Mynd: Pressphotos

Geir Jón Þórisson, vara­þing­maður Sjálf­stæð­is­flokks­ins á síð­asta kjör­tíma­bili og yfir­lög­reglu­þjónn hjá lög­regl­unni á höf­uð­borg­ar­svæð­inu til fjölda ára, skrif­aði með­mæli fyrir mann árið 1996 sem var dæmdur fyrir nauðgun í Vest­manna­eyjum árið 1989. 

Þetta kemur fram í gögnum dóms­mála­ráðu­neyt­is­ins sem Stundin fékk afhent eftir að úrskurð­ar­nefnd um upp­lýs­inga­mál komst að þeirri nið­ur­stöðu að almenn­ingur ætti rétt á upp­lýs­ing­unum, þvert á afstöðu dóms­mála­ráðu­neyt­is­ins og full­trúa Sjálf­stæð­is­flokks­ins í stjórn­skip­unar- og eft­ir­lits­nefnd Alþingis. 

„Hann lenti í þessu“

Geir Jón stað­festir við Stundina að hann hafi sjálfur komið að rann­sókn kyn­ferð­is­brota­máls­ins sem lög­reglu­full­trúi í Vest­manna­eyjum. „Ég rann­sak­aði málið á sínum tíma, það passar,“ segir hann.

Þegar Geir Jón skrif­aði með­mælin, sjö árum síðar, starf­aði hann hins vegar sem aðal­varð­stjóri hjá lög­regl­unni í Reykja­vík. 

„Á þeim tíma vott­aði ég hvernig mað­ur­inn hafði staðið sig eftir að hann lenti í þessu og afplán­aði sinn dóm,“ segir Geir Jón um mál hins dæmda kyn­ferð­is­brota­manns. „Hann bætti ráð sitt, sat inni í fang­elsi.“ Aðspurður hvað honum finn­ist um þetta í dag seg­ist hann ekk­ert hafa við málið að athuga.

Í með­mælum sínum um mann­inn tekur Geir Jón sér­stak­lega fram að hann hafi komið að máli manns­ins sem lög­reglu­full­trúi í Vest­manna­eyjum eftir að brotið var framið. 

Maðurinn nú reglusamur

Umræddur maður var 24 ára þegar dóm­ur­inn féll þann 19. des­em­ber 1989, og var honum gert að sæta tveggja ára fang­els­is­vist fyrir nauðgun sem hann framdi í Vest­manna­eyjum árið áður. Þá var hann dæmdur til að greiða þol­anda 300 þús­und króna skaða­bætur. 

Í með­mælum Geirs Jóns kemur fram að hann geti stað­fest að mað­ur­inn hafi staðið sig „mjög vel und­an­farin ár og miss­eri“. Geir seg­ist hafa haft „mikið með hans mál að gera“ þegar hann starf­aði sem lög­reglu­full­trúi í Vest­manna­eyjum.

Eftir að Geir flutti til Reykja­víkur hafi hann jafn­framt „fylgst mjög vel með honum“ og geti stað­fest að mað­ur­inn hafi tekið sig á og sé „reglu­samur í dag“. Maðurinn hlaut upp­reist æru að til­lögu dóms- og kirkju­mála­ráð­herra þann 1. októ­ber 1996. 

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

2
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár