Capacent segist ekki mismuna einstæðum mæðrum

Facebook-færsla Sigríðar Ástu Árna­dóttur hefur farið víða í dag en hún full­yrðir að Capacent hendi starfs­um­sóknum frá ein­stæðum mæðrum í ruslið. Capecent segir þetta fjar­stæðu­kennda full­yrð­ingu.

Facebook-færslu Sigríðar Ástu Árna­dóttur hefur verið deilt víða á sam­fé­lags­miðlum í dag en þar heldur hún því fram að Capacent mis­muni skipu­lega ein­stæðum mæðrum sem sækja um störf. Í kjöl­farið hefur Capacent á Íslandi gefið út yfir­lýs­ingu á Facebook þar sem þeir hafna ásök­unum Sigríðar Ástu, sem þeir segja vera fjar­stæðu­kenndar.

„Ég frétti í dag af konu sem vann hjá Capacent tíma­bundið við að flokka starfs­um­sóknir. Var henni sagt að flokka ein­stæðar mæður í sér­stakan bunka. Þeim bunka var síðan hent. Þegar hún spurði hvers vegna, var svarið að ein­stæðar mæður væru verri starfs­kraftar af því að þær þyrftu alltaf eitt­hvað að vera að sinna veikum börnum. GRRRR! Þarna kom skýr­ingin á því sem ég hef verið að velta fyrir mér lengi, sem er af hverju á öllum umsóknum á vegum Capacent er spurt um hjú­skap­ar­stöðu og barna­fjölda. Og kyn reyndar líka. Þessi ráðn­inga­stofa er orðin mjög stór og mik­il­væg á atvinnu­mark­aðnum og iðkar að því er virð­ist slík við­bjóðs­ins brot á jafn­rétt­inu bak við tjöldin. Ég hvet alla sem sækja um gegnum þessa glæpona að skila auðu í þessum reitum. Það er nefni­lega hægt, ég var að tékka,“ skrif­aði Sigríður Ásta á Facebook síðu sinni í gær.

Capacent hefur svarað þessum ásök­unum með yfir­lýs­ingu, þar sem segir að þar starfi sam­hentur hópur sem sam­anstendur af bæði körlum og konum og um sé að ræða „fjar­stæðu­kenndar full­yrð­ingar um vinnu­brögð í ráðn­ingum“.

„Að gefnu til­efni viljum við koma því á fram­færi að hjá Capacent er á engan hátt hallað á ein­staka hópa umsækj­enda sem sækja um störf í gegnum ráðn­ing­ar­þjón­ustu Capacent. Á Facebook fer nú eins og eldur í sinu færsla sem á ekki við nokkur rök að styðj­ast þar sem full­yrt er að ein­stæðar mæður séu flokk­aðar sér­stak­lega sem hópur sem síður kemur til greina í störf. Hjá Capacent starfar sam­hentur hópur karla og kvenna sem leggur sig fram við að þjón­usta við­skipta­vini og umsækj­endur á fag­legan hátt. Við myndum aldrei við­hafa slík vinnu­brögð sem haldið er fram í umræddri Facebook færslu Sigríðar Ástu Árna­dóttur,“ segir á Facebook-síðu Capacent.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

2
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár