„Ég sit hérna heima og skrifa nótur fyrir mini-kórinn sem ég er búin að setja saman fyrir tónleikana,“ segir Soffía Björg Óðinsdóttir, söngkona, lagahöfundur og gítarleikari, þegar blaðamaður nær tali af henni snemma á miðvikudagsmorgni. Hún er að undirbúa tónleika sína í Blikktrommunni í Hörpu 7. desember næstkomandi. Þeir eru enn í mótun en hún er búin að ákveða að hafa þá tvískipta. Fyrri hlutinn verður lágstemmdur, þar sem Soffía, gítarinn og raddir góðra vina hennar fá að njóta sín. Í seinni hlutanum kemur hljómsveitin til sögunnar sem klárar tónleikana með henni. „Ég veit ekki alveg sjálf hvernig þetta verður en ég held þetta verði fjölbreytt og vonandi flott. Mér finnst gaman að prófa alls konar hluti og tónleikarnir munu einkennast af því. Ég vona alla vega að fólk muni finna fyrir einhvers konar vellíðan!“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.

















































Athugasemdir