Tekjuhæstu 300 Íslendingarnir fengu samtals 46 milljarða í heildartekjur árið 2018 og greiddu 26 prósent af þeim í skatt samkvæmt upplýsingum sem Stundin tók saman upp úr álagningarskrá ríkisskattstjóra.

Framteljendur á skattgrunnskrá eru um 300 þúsund talsins. Af þeim 46 milljörðum sem runnu til 300 tekjuhæstu skattgreiðendanna voru 76 prósent í formi fjármagnstekna sem báru 22 prósenta skatt. Tekjuskattbyrði fólks sem tilheyrir 0,1 prósentinu var að meðaltali 27,7 prósent árið 2018.

Hópurinn samanstendur að miklu leyti af eigendum og stjórnendum fyrirtækja, útgerðarmönnum, bankamönnum, fjárfestum og fólki sem seldi hlutabréf í fyrirtækjum fyrir umtalsverða fjármuni í fyrra. Þá eru læknar og lögmenn áberandi á listanum og fólk sem erft hefur miklar eignir. Um er að ræða 238 karla og 62 konur, en alls var bein tekjuskattbyrði hópsins 26 prósent.

Að meðaltali 153 milljóna árstekjur

Álagningarskrár sem gerðar eru aðgengilegar hjá ríkisskattstjóra einu sinni á ári geyma ekki endanlegar upplýsingar um álagða …