Þessi grein birtist upphaflega í Stundinni fyrir meira en 5 árum.

Sjálfstæðismaðurinn sem þreif í hælisleitendur: „Mér urðu á mistök“

Þor­vald­ur Sig­mars­son, fyrr­ver­andi varð­stjóri og stjórn­ar­mað­ur í Sjálf­stæð­is­fé­lagi Kópa­vogs, seg­ir skort á enskukunn­áttu hafa vald­ið því að hann sagði hæl­is­leit­end­um að hann væri lög­reglu­mað­ur. Ár­mann Kr. Ólafs­son, bæj­ar­stjóri Kópa­vogs, hafði kynnt hann sem slík­an.

Sjálfstæðismaðurinn sem þreif í hælisleitendur: „Mér urðu á mistök“

Fyrrverandi lögreglumaður og stjórnarmaður í Sjálfstæðisfélaginu í Kópavogi segir það hafa verið mistök hjá sér að kynna sig sem lögreglumann þegar hann hótaði að fjarlægja hælisleitendur af fundi hverfisfélaga Sjálfstæðisflokksins með valdi.

„Það var mikill æsingur á fundinum,“ segir Þorvaldur Sigmarsson, fyrrverandi varðstjóri hjá lögreglunni á höfuðborgarsvæðinu, í samtali við Stundina. „Ég ætlaði ekki að beita þessa menn neinu harðræði eða lögregluvaldi.“

Tveir hælisleitendur höfðu staðið upp og beint spurningum, ótengdum viðfangsefni fundarins, þriðja orkupakkanum, að ráðherrum sem viðstaddir voru, þeim Þórdísi Kolbrúnu Reykfjörð Gylfadóttur dómsmálaráðherra og Guðlaugi Þór Þórðarsyni utanríkisráðherra. 

Ármann Kr. Ólafsson, bæjarstjóri Kópavogs og fundarstjóri, kynnti þá Þorvald og annan mann sem lögreglumenn, þegar þeir nálguðust hælisleitendurna. „Við ætlum ekki að hringja í lögregluna því þessir tveir herramenn hérna eru lögreglan,“ sagði Ármann á ensku. „Svo við munum bara nota þá.“

Þorvaldur gekk þá að mönnunum og sagði þeim á ensku að sitja kyrrir og hafa hljóð. „Ef ekki, þá tökum við ykkur út. Við tökum ykkur út. Við erum lögreglan. Þú getur talað við mig, ég er lögreglumaður.“

Síðar greip Þorvaldur, merktur Sjálfstæðisflokknum, í sitjandi erlendan mann sem hafði ekki tekið til máls og reyndi að reka hann út. Þá þreif hann í hælisleitandann sem staðið hafði upp og talað yfir salinn og skipaði honum að fara út.

„Mér urðu á mistök þegar ég sagði þetta,“ segir Þorvaldur. „Þetta kom öfugt út úr mér. Ég leiðrétti þetta við þessa menn á eftir. Ég ætlaði að segja „I was a policeman“. Ég er enginn sérfræðingur í ensku.“

Þorvaldur er varamaður í stjórn Sjálfstæðisfélagsins í Kópavogi. „Við vorum bara að reyna að fá þá til þess að setjast niður og koma ró á fundinn. Ég tók í þennan sem stóð uppi til að reyna að ná athygli hans. Ég ætlaði ekki að fara að slást við hann eða henda honum út eða neitt þannig. Þessir sem sátu þarna höfðu sig ekkert í frammi. Það var við annan þeirra sem ég átti þessi orð sem hefðu betur ekki verið sögð.“

„Setningin kom öfugt út úr mér
og það er misskilningurinn“

Aðspurður segir Þorvaldur að hann hefði ekki kynnt sig með sama hætti gagnvart íslenskumælandi mótmælanda. „Þetta eru bara mistök af minni hálfu í framsetningu á ensku,“ segir hann. „Ármann hafði talað um að við værum lögreglumenn og því er beint til mín frá þessum aðila hvort ég væri lögreglumaður eða ekki og ég sagði honum það. Ég hefði ekki gert það við Íslending.“

Þorvaldur segist hafa rætt við manninn sem hann þreif í eftir fundinn og þeir hafi tekist í hendur. „Ég er ekki neinn útlendingahatari eða hælisleitendahatari, langt því frá,“ segir Þorvaldur. „Setningin kom öfugt út úr mér og það er misskilningurinn.“

Bæjarstjóri viðurkennir „klaufaskap“

Ármann Kr. Ólafsson

Eins og áður segir var það Ármann Kr. Ólafsson, bæjarstjóri Kópavogs, sem fyrst kynnti mennina tvo sem lögreglumenn. Í viðtali við Hringbraut sagði Ármann að það hafi verið klaufaskapur af sér. „Ég tók bara svona til orða að þeir væru lögreglan, þetta var bara sagt í hita leiksins,“ sagði Ármann. „Þetta kom mér allt í opna skjöldu. Ég vissi ekkert hvaða fólk þetta var.“

Ármann sagðist hafa verið brugðið þegar menn ætluðu að láta fundinn snúast um annað en þriðja orkupakkann. „Það sem ég átti bara við var að þeir voru komnir á aldur og voru í lögreglunni.“

Aðspurður sagðist hann ekki hafa þekkt hvort mennirnir væru starfandi lögreglumenn. „Nú þekki ég það ekki. Hvort þeir leysi af eða eitthvað svoleiðis. Ég bara gleymdi að segja fyrrverandi. Ég hefði átt að segja að þeir væru fyrrverandi lögreglumenn, það var bara klaufaskapur.“ 

Atvikið var til umræðu í Silfrinu á RÚV á sunnudag. Þórdís Kolbrún Reykfjörð Gylfadóttir dómsmálaráðherra sagði í þættinum að auðvitað gæti enginn tekið sér lögregluvald. „Þarna komu upp að­stæður sem komu öllum í opna skjöldu,“ sagði hún. „Við vorum búin að eiga góðan fund og það þurfti ein­hvern veginn að halda stjórn á fundinum.“

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Júlía Margrét Alexandersdóttir
1
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Júlía Margrét Alexandersdóttir
6
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár