Stundin hefur kært synjun Seðla­banka Íslands á beiðni blaðs­ins um að fá aðgang að rann­sókn­ar­gögn­unum í Sam­herj­a­mál­inu til úrskurð­ar­nefndar um upp­lýs­inga­mál. Nefndin mun þá í kjöl­farið veita álit sitt á deilu­efn­inu sem snýst um það hvort Seðla­banka Íslands beri, eða beri ekki, að afhenda fjöl­miðl­inum þau gögn sem kæra bank­ans til emb­ættis sér­staks sak­sókn­ara út af meintum gjald­eyr­is­laga­brotum Samherja byggði á. Seðla­banki Íslands synj­aði beiðni Stund­ar­innar um gögnin um miðjan febr­úar. 

Vísað til þagnarskyldu

Í synj­un­inni vís­aði Seðla­bank­inn til þagn­ar­skyldu­á­kvæða í lögum um Seðla­banka

Íslands: „Rík þagn­ar­skylda hvílir á starfs­mönnum Seðla­banka Íslands um allt það sem varðar hagi við­skipta­manna bank­ans og mál­efni bank­ans sjálfs, svo og um önnur atriði sem þeir fá vit­neskju um í starfi sínu og leynt skulu fara sam­kvæmt lögum eða eðli máls, nema dóm­ari úrskurði að …