Ósáttir starfsmenn hætta hjá hjálpartækjaverslun

Fimm starfs­menn af sjö sem vinna í afgreiðslu í kyn­lífstækja­versl­un­inni Blush.is sögðu upp störfum í febr­ú­ar­mán­uði eftir starfs­manna­fund hjá fyr­ir­tæk­inu. Versl­unin flutti nýverið í stærra hús­næði og var greint frá því í Frétta­blað­inu að þar væri á ferð­inni „glæsi­leg­asta kyn­lífstækja­versl­unin sem opnuð hefur verið á Íslandi“. Fyr­ir­tækið hefur hagn­ast vel síð­ustu tvö ár, en engu að síður kvartar starfs­fólk undan kjara­málum.

Þá lýsir starfs­fólk, sem Stundin ræddi við, því að slæm við­brögð yfir­manna við umleit­unum vegna kjara­mála hefði leitt af sér slæmt and­rúms­loft sem leitt hefði til upp­sagna þeirra. Eigandi versl­un­ar­innar, Gerður Huld Arin­bjarn­ar­dóttir, segir starfs­fólkið óþarf­lega reitt og kveðst hún hafa beðist afsök­unar.

„Í raun og veru hefði verið hægt að leita lausnar hvað varðar kjara­mál, en þar sem allir starfs­menn eru gríð­ar­lega óánægðir með fram­komu yfir­manna og þá sér­stak­lega Gerðar, ákváðu allir að segja upp störfum í lok starfs­manna­fundar,“ segir einn við­mæl­enda.

Ein af þeim …