Starfsmaður á Grand Hótel þreyttur á að sjá vinnufélaga sína gráta í vinnunni

„Íslend­ingar fá for­gang í allar stjórn­un­ar­stöður, meðan útlend­ing­arnir eru fastir á gólf­inu,“ segir Sólveig Anna Jóns­dóttir, for­maður Eflingar. Skammar­listi yfir veik­inda­daga starfs­fólks hefur verið til­kynntur til Per­sónu­verndar.

„Litið er á starfs­fólk hót­els­ins eins og einnota gúmmí­hanska sem hent er í ruslið,“ segir starfs­maður Grand Hótels í sam­tali við Stundina.

Greint var frá því í byrjun vik­unnar að eins konar skammar­listi væri hald­inn yfir þá starfs­menn hót­els­ins sem taka sér flesta veik­inda­daga. Eflingu stétt­ar­fé­lagi var til­kynnt um málið og lög­fræð­ingur hjá ASÍ sagði að um væri að ræða alvar­legt brot gegn per­sónu­vernd og frið­helgi einka­lífs. Efling hefur nú sent Per­sónu­vernd kvörtun vegna máls­ins.

Mannauðs­stjóri Grand Hótels, sem er í eigu hót­el­keðj­unnar Íslands­hót­ela, hefur haldið því fram í fjöl­miðlum að list­inn hafi ein­vörð­ungu legið „inni á skrif­stofu yfir­manns“ og ekki hangið „neins staðar uppi“. Starfs­menn sem Stundin hefur rætt við segja þetta rangt; list­inn hafi um tíma hangið með áber­andi hætti í almennu rými starfs­fólks.

Vekur alvarlegar spurningar um meðferð starfsfólks

„For­svars­menn Grand Hótel hafa brugð­ist við frá­sögnum af þessum lista með rang­færslum í fjöl­miðlum. Þetta hefur vakið alvar­legar spurn­ingar um starfsanda og með­ferð starfs­fólks á hót­el­inu,“ segir í til­kynn­ingu sem Efling sendi frá sér í dag.

„Tals­verður fjöldi starfs­fólks, sum þeirra með­limir Eflingar og önnur ekki, hafa sett sig í sam­band við stétt­ar­fé­lagið eftir að fjöl­miðlar tóku að fjalla um málið. Þau hafa lýst undrun yfir ummælum yfir­manna, sem mörg þeirra kann­ast ekk­ert við, um sínar eigin vinnu­að­stæður.“

Fram kemur að við­mæl­endur Eflingar frá Grand Hótel vitni um að skammar­list­inn hafi hangið uppi á vegg vikum saman. „Af þessum sam­tölum hefur orðið ljóst að skammar­list­inn var aðeins eitt af mörgum atriðum sem hafa gert vinnu­stað­inn veru­lega óþægi­legan fyrir lægst laun­aða starfs­fólkið þar, sem flest er erlendis frá.“

Starfs­maður á Grand Hótel segir í sam­tali við Stundina að álagið á Grand Hótel sé gríð­ar­legt, yfir­menn sýni hörku og vinnu­and­ann sé slæmur. „Ég er orð­inn mjög þreyttur á því að mæta til vinnu þar sem allir eru ósáttir. Ég er orð­inn þreyttur á því að sjá vinnu­fé­laga mína gráta í vinn­unni og ég er orð­inn þreyttur á því að sjá vinnu­fé­laga mína strunsa út og hætta,“ segir við­kom­andi. 

Efling segir starfsmenn niðurlægða

Í til­kynn­ingu frá Eflingu er full­yrt að yfir­menn hafi ítrekað nið­ur­lægt og auð­mýkt starfs­fólk, meðal ann­ars með því að „rægja konu sem ætl­aði að taka sér fæð­ing­ar­or­lof, krefj­ast þess að vera ávarp­aðir með titli, baktala fólk sem fer frá vinnu til að fara í reglu­bundið íslensku­nám­skeið, og hóta starfs­manni brott­rekstri fyrir að sýna sér ekki til­skilda virð­ingu“.

Þá er haft eftir Sólveigu Önnu Jóns­dóttur, for­manni Eflingar, að um sé að ræða kunn­ug­legt mynstur. „Þetta er eitt­hvað sem við sjáum á mörgum hót­elum. Íslend­ingar fá for­gang í allar stjórn­un­ar­stöður, meðan útlend­ing­arnir eru fastir á gólf­inu. Og þessi skil eru síðan notuð til að halda verst laun­aða fólk­inu með verstu störfin niðri.“

Verka­lýðs­hreyf­ingin skipu­leggur nú umfangs­miklar verk­falls­að­gerðir gegn hót­elum og rútu­fyr­ir­tækjum. Um er að ræða 25 hótel og tvö til þrjú rútu­fyr­ir­tæki en rekstr­ar­að­ilar hafa lýst þungum áhyggjum af áformunum.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

2
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár