Almenna leigu­fé­lagið hefur hætt við fyr­ir­hug­aðar hækk­anir leigu sem koma áttu til fram­kvæmda á næstu þremur mán­uðum. Upp­byggi­legar sam­ræður félags­ins og VR um fram­tíð íslensks leigu­mark­aðar leiddu til þess­arar nið­ur­stöðu sam­kvæmt sam­eig­in­legri til­kynn­ingu sem þau sendu frá sér í dag.

„Leigu­mark­að­ur­inn hér á landi er enn smár í sniðum og var lengi skamm­tíma­lausn fyrir fólk þar til það gat komið sér upp eigin hús­næði,“ segir í til­kynn­ing­unni. „Á síð­ustu árum hefur hins vegar orðið við­horfs­breyt­ing sem kallar á nýja nálgun. Æ fleiri vilja sjá leigu­mark­að­inn sem raun­hæfan val­kost til lengri tíma með hús­næð­is­ör­yggi og verð­stöð­ug­leika. Hækkun á leigu íbúð­ar­hús­næðis varð til þess að VR og Almenna leigu­fé­lagið ræða nú hvernig hægt er að tryggja betur stöðu leigj­enda.“

Auk þess að hætta við hækk­an­irnar verður unnið að breyt­ingum á leigu­samn­ingum Almenna leigu­fé­lags­ins með það að mark­miði að bjóða samn­inga til lengri tíma en þekkst hefur á almenna mark­aðnum, þar sem tryggt er hús­næð­is­ör­yggi og stöðugra leigu­verð.

„Lengri leigu­samn­ingar verða kynntir sér­stak­lega í byrjun mars á þessu ári,“ segir í til­kynn­ing­unni. „Ljóst að breyt­inga er þörf. Háir vextir þrýsta á leigu­verð, hvort sem er í félags­lega kerf­inu eða á hinum almenna mark­aði. Þegar við bæt­ist óstöðugt lóða­fram­boð og hár kostn­aður við bygg­inga­fram­kvæmdir dregur úr leigu­fram­boði á við­ráð­an­legu verði fyrir hinn almenna launa­mann. Íslenskir líf­eyr­is­sjóðir hafa ekki tekið virkan þátt í leigu­mark­aði á Íslandi þrátt fyrir tak­mark­aða fjár­fest­ing­ar­mögu­leika inn­an­lands síð­ustu ár. Þátttaka líf­eyr­is­sjóða og ann­arra lang­tíma­fjár­festa í fjár­mögnun leigu­fé­laga gæti skapað grund­völl fyrir lægri leigu, stöðugra leigu­um­hverfi og auknu hús­næð­is­ör­yggi leigj­enda. Það er báðum aðilum til hags­bóta – leigj­endum og leigu­sölum - að sterkir inn­lendir fjár­festar komi að upp­bygg­ingu íslensks leigu­mark­aðar með lang­tíma­hags­muni leigj­enda að leið­ar­ljósi.“