Bryn­hildur Bolla­dóttir lög­fræð­ingur telur að Rík­is­skatt­stjóri hafi neitað mörgum um hús­næðisúr­ræði sem sett var á með „leið­rétt­ing­unni“ svoköll­uðu. Yfir­skatta­nefnd úrskurð­aði henni í vil í dag í kjöl­far þess að hún kærði nið­ur­stöðu Rík­is­skatt­stjóra.

Bryn­hildur keypti sína fyrstu íbúð árið 2014 og gat notað sér­eigna­sparn­að­inn sinn til að greiða inn á höf­uð­stól láns síns skatt­frjálst sam­kvæmt „leið­rétt­ing­unni“. Árið 2017 voru sett lög um ný úrræði og þeim sem höfðu keypt sína fyrstu íbúð á tíma­bil­inu 1. júlí 2014 til 30. júní 2017 veitt heim­ild til þess að fara á milli úrræð­anna.

Bryn­hildur seldi sína fyrstu eign í júlí 2017 og keypti nýja. „Ég taldi alveg ljóst skv. lög­unum að ég myndi samt upp­fylla skil­yrði til að nýta mér úrræðið í 10 ár, þ.e. þótt ég hefði selt eign­ina - enda smá skrýtið að neyða fólk til að vera í sinni fyrstu eign í 10 ár til þess að nota skatt­frjálsa pen­inga inn á höf­uð­stól,“ skrifar hún í færslu á Facebook.

Sótti hún um áfram­hald úrræð­is­ins í des­em­ber 2017 og fékk synjun tæpu ári seinna, í nóv­em­ber 2018. „Ég kærði það til yfir­skatta­nefndar og fékk nið­ur­stöðu í dag - auð­vitað átti ég rétt á því að halda áfram,“ skrifar hún. „Ég skil eig­in­lega ekki enn hvernig RSK fékk þá nið­ur­stöðu að ég ætti ekki rétt á þessu, t.d. ef maður les bara þessar leið­bein­ingar frá þeim sjálfum.“

Bryn­hildur seg­ist ánægð með nið­ur­stöð­una en hefur áhyggjur af þeim sem sóttu um á sama grund­velli og hún og var hafnað. „Ég veit um þónokkur dæmi þess að fólk hafi fengið synjun - a.m.k. ein kærði og fékk sömu nið­ur­stöðu og ég,“ skrifar hún. „Ég vona inni­lega að Rík­is­skatt­stjóri fari aftur yfir allar þessar umsóknir m.t.t. nið­ur­stöðu yfir­skatta­nefndar og leið­rétti þetta þar sem við á - ekki aðeins þeim sem kærðu.“