„Þetta eru náttúrulega alveg skelfilegar fréttir og það er auðvitað bara hörmulegt þegar svona gerist,“ segir Sandra Brá Jóhannsdóttir, sveitarstjóri Skaftárhrepps, í samtali við Stundina. Þrír breskir ferðamenn létust þegar bifreið steyptist framan af brúnni við Núpsvötn í morgun, þar af eitt barn. Þá eru fjórir alvarlega slasaðir, tveir fullorðnir og tvö börn á aldrinum 7-9 ára. Hin slösuðu voru flutt með þyrlu á Landspítalann þar sem þau njóta nú aðhlynningar. Suðurlandsvegi var í kjölfarið lokað en hann hefur nú verið opnaður aftur, að því er fram kemur í tilkynningu frá lögreglunni á Suðurlandi.

 „Það er auðvitað ekki nema ár síðan að hér varð stórt rútuslys þannig að það er svolítið sérstakt að þetta þurfi að gerast aftur sama dag og árið áður“

Sandra Brá segir sveitunga sína slegna yfir þessum hörmulegu atburðum en fyrir nákvæmlega ári síðan varð alvarlegt bílslys á svipuðum slóðum þegar rúta með 44 kínverska ferðamenn …