Eigin­kona Sig­mundar segir Klausturs­málið ein­kennast af „hatri og þörfinni fyrir að smána aðra til upp­hefja sjálfan sig“

Anna Sig­ur­laug Páls­dóttir, eig­in­kona Sig­mundar Davíðs Gunn­laugs­sonar, er kjaft­stopp vegna Klaust­urs­máls­ins. „Ég bara skil ekki hvert íslenskt sam­fé­lag er komið,“ skrifar hún og þakkar fyrir þær fjöl­mörgu stuðn­ings­kveðjur sem þeim hjónum hafa borist.

Vinkona Önnu Sig­ur­laugar á Facebook fer fögrum orðum um Sigmund og hvetur þau hjónin til dáða í opnum skila­boðum sem hún birtir á vegg Önnu Sig­ur­laugar.

„Hann er best stjórn­mála­maður sem við höfum átt í seinni tíð. En þetta er ekk­ert annað en öfund og gaman þætti mér að vita hver eða hverjir hafa sent þennan skúnk með sím­ann. Mið­flokknum hefur gengið of vel að auka fylgi sitt og það ætla þeir að eyði­leggja,“ skrifar vin­konan.

Nokkrir taka undir þessi orð og Anna Sig­ur­laug bregst við:

Mynd: Skjáskot af Facebook

„Hjartans þakkir til ykkar allra. Stuðn­ingur ykkar er ómet­an­legur. Við erum nú búin að taka nokkra slag­ina síð­ustu árin en nú er ég kjaft­stopp.“

Hún telur að íslenskt sam­fé­lag sé komið á villi­götur. „Hatrið og þörfin fyrir að smána aðra til upp­hefja sjálfan sig,“ skrifar hún.

„Ég ætla ekki að segja ykkur hvað hefur gengið á í partýum meðal stjórn­mála­manna síð­ustu árin en það kannski segir allt að við SDG höfum gengið út. Þakka ykkur enn og aftur. Ég stend stolt með Sigmundi mínum enda veit ég hvaða mann hefur að geyma og veit hver líðan hans er núna.“

Sig­mundur Davíð var til við­tals í frétta­tíma Stöðvar 2 og RÚV í gær­kvöldi. Þar sagði hann að umræður á borð við þær sem áttu sér stað á Klaustri – þar sem þing­konur voru kall­aðar „kunta“, „hel­vítis tík“, „galin kerl­ing­ar­klessa“ og mælst til þess að „ríða“ kven­kyns ráð­herra – væru alsiða meðal þing­manna á Íslandi. Samtalið á Klaustri væri í raun aðeins merki­legt fyrir þær sakir að það var tekið upp. Sagðist hann að eig­in­kona sín hefði oftar en einu sinni þurft að flýja sam­kvæmi vegna dóna­tals þing­manna, ann­arra en þeirra sem sátu á Klaustri. Sig­mundur velti því fyrir sér hvort næsta skref væri að hann segði frá dóna­tali fólks úr öðrum flokkum en Mið­flokknum.