Eftir að hafa verið stað­inn að umræðum þar sem þing­konur voru kall­aðar „kunta“, „hel­vítis tík“, „galin kerl­ing­ar­klessa“ og mælst til þess að „ríða“ kven­kyns ráð­herra, í hefnd­ar­skyni, segir Sig­mundur Davíð Gunn­laugs­son, for­maður Mið­flokks­ins, að slíkar umræður séu alsiða meðal þing­manna á Íslandi.

Sig­mundur svar­aði spurn­ingum frétta­manna RÚV og Stöðvar 2 í kvöld með stað­hæf­ingu um að sam­tal hans og fimm ann­arra þing­manna á barnum Klaustri væri í raun aðeins merki­legt fyrir þær sakir að það var tekið upp.

„Er ekki eðli­legt að þið biðjið þjóð­ina afsök­unar?“ spurði Jóhanna Vigdís Hjalta­dóttir, frétta­maður RÚV, Sigmund. 

„Ja, við höfum beðið þjóð­ina afsök­unar nú þegar. En það sem er auð­vitað alsorg­leg­ast í þessu máli er að það sé verið að draga inn í þetta eitt­hvert fólk úti í bæ, án þess að í því sé nokk­urt sér­stakt frétta­gildi. Eitthvað fólk sem menn hafa verið að ræða um á ákveð­inn hátt og þann hátt, sem því miður alltof oft tíðkast þegar menn ræða við vini sína og eng­inn heyrir til.“

Honum þykir það alvar­leg­asta vera, ekki sam­tal hans, heldur að þetta skuli tíðkast, sam­kvæmt full­yrð­ingu hans. „Alvar­leiki máls­ins er sá, að menn skuli í stjórn­mál­unum, frá því ég byrj­aði, hafa, og ég und­an­skil­inn svo sann­ar­lega ekki, setið undir svona umræðum, hlustað á þær, ýtt undir þær.“

Sig­mundur var spurður af Jóhönnu Vigdísi Hjalta­dóttur frétta­konu hvort hann þyrfti ekki að vísa í hvaða umræður hann væri að tala um, og nafn­greina fólkið. „Ég velti því fyrir mér. Ég verð að segja alveg eins og er, hvort það er núna orðin skylda mín, að rekja það, hvað til­teknir þing­menn hafa sagt um aðra þing­menn, sem sumt hvert, því miður er jafn­vel ennþá og tölu­vert gróf­ara en það sem við höfum heyrt á þessum upp­tökum. Er staðan orðin sú að okkur ber núna skylda til þess að rekja það sem menn hafa haft að segja, hversu óvið­eig­andi sem það kann að vera.“

Í sam­tal­inu ját­aði einn nán­asti sam­sta­starfs­maður Sig­mundar, Gunnar Bragi Sveins­son, að hafa skipað Geir H. Haarde, fyrr­ver­andi for­mann Sjálf­stæð­is­flokks­ins, sem sendi­herra Íslands í Banda­ríkj­unum, gegn því að eiga sjálfur per­sónu­lega inni greiða hjá Sjálf­stæð­is­flokknum, þegar á þyrfti að halda.

„En það er alveg rétt hjá þér, henni er ekki treystandi og hún spilar á karl­menn eins og kven­fólk kann.“

„Hún notar kyn­þokk­ann,“ segir Sig­mundur um Lilju Alfreðs­dóttur mennta­mála­ráð­herra og beinir síðan orðum sínum til sam­flokks­manns síns, Bergþórs Ólasonar: „Beggi, ég ætla að vona að konan mín heyri aldrei af þessu, en ég hefði alveg verið til í þetta dæmi,“ segir hann. „En það er alveg rétt hjá þér, henni er ekki treystandi og hún spilar á karl­menn eins og kven­fólk kann.“

Þá kallar Gunnar Bragi, þing­flokks­for­maður Mið­flokks­ins, Lilju Alfreðs­dóttur „hel­vítis tík“, með hrópum inni á barnum, og hvetur til þess að „hjólað“ sé „í hana“. Í kjöl­farið er hvatt til þess að henni sé „riðið“. „Þarna loks­ins kom skrokkur sem typpið á mér dugði í,“ segir Bergþór, þing­maður Mið­flokks­ins. 

„Þarna loks­ins kom skrokkur sem typpið á mér dugði í“

Sig­mundur Davíð hlær í gegnum umræð­una og bætir við í kjöl­farið: „Ég er mjög ánægður að heyra að þið séuð komnir að sam­eig­in­legri nið­ur­stöðu með þetta.“ 

„Maður skamm­ast sín ekki bara fyrir þetta, maður skamm­ast sín fyrir að hafa í öll þessi ár tekið þátt í þessu,“ sagði Sig­mundur í sam­tali við RÚV.

Sig­mundur Davíð hafnar því enn að hljóð sem kom fram í sam­tal­inu, þegar Freyja Har­alds­dóttir var nefnd, hafi verið eft­ir­herma af sel. Í sím­tali við Freyju í gær sagði hann að lík­lega hafi stóll verið færður til. Í við­tali við Stöð 2 í kvöld hafði hann enn aðrar skýr­ingar: „Þetta gat verið reið­hjól að bremsa fyr­ir utan glugg­ann,“ sagði Sig­mundur.