Máli þing­mann­anna sex sem voru við­staddir umræð­urnar á Klaustri Bar 20. nóv­em­ber síð­ast­lið­inn verður vísað til siða­nefndar Alþingis. Þetta var sam­þykkt sam­hljóða á fundi for­sætis­nefndar þings­ins fyrr í dag.

Hópur þing­manna sendi fyrir helgi for­sætis­nefnd erindi þar sem þess var farið á leit að nefndin vís­aði mál­inu til siða­nefndar Alþingis. Var þar til­tekið að ummæli og hátt­semi þing­manna Mið­flokks­ins og Flokks fólks­ins á Klaustri Bar stöng­uð­ust á við 5. og 7. greinar siða­reglna þing­manna. Þar segir meðal ann­ars að „alþing­is­menn skuli ekki kasta rýrð á Alþingi eða skaða ímynd þess með fram­komu sinni“, að þeir skuli „leggja sig fram um að skapa í störfum sínum heil­brigt starfs­um­hverfi innan þings sem utan og hvar­vetna þar sem þeir sinna störfum sínum þar sem hafnað er hvers konar kyn­ferð­is­legri eða kyn­bund­inni áreitni, ein­elti eða annarri van­virð­andi fram­komu“ og að „þing­menn skulu í öllu hátt­erni sínu sýna Alþingi, stöðu þess og störfum virð­ingu.“

Siða­nefnd Alþingis var skipuð á síð­asta ári, til fimm ára, og sitja í henni Ásta Ragn­heiður Jóhann­es­dóttir, fyrr­ver­andi for­seti Alþingis, for­maður; Haf­steinn Þór Hauksson, dós­ent við laga­deild Háskóla Íslands, og Salvör Nordal, sér­fræð­ingur við Sið­fræði­stofnun Háskóla Íslands. Þetta mun verða í fyrsta skipti sem máli er vísað til siða­nefnd­ar­innar.