Þeir fjórir einstaklingar sem áttu stærstan hlut í Samherja og HB Granda, kvótahæstu útgerðarfyrirtækjum landsins, í fyrra þénuðu samtals tæpa fjóra milljarða í heildarárstekjur. Fjárhæðin samsvarar 714-földum tekjum dæmigerðs fiskvinnslustarfsmanns samkvæmt launatölum frá Eflingu stéttarfélagi.
Kristján Loftsson þénaði 1.423 milljónir króna í fyrra þegar hann var stjórnarformaður og einn af aðaleigendum HB Granda. Fiskvinnslustarfsmaður hjá fyrirtækinu væri 254 ár að vinna sér inn slíkar tekjur.
Þorsteinn Már Baldvinsson, annar af aðaleigendum Samherja, var með 476 milljóna tekjur á sama ári, eða sem nemur árstekjum 85 starfsmanna við fiskvinnslu hjá fyrirtækinu.
Forsendur, skýringar og heimildir: Samanburðurinn miðast við árið 2017 eftir því sem unnt er. Tekjuupplýsingar byggja á álagningarskrám ríkisskattstjóra. Upplýsingar um hagnað og aukningu eiginfjár eru úr ársreikningum fyrirtækjanna. Veiðigjöldin miðast við fiskveiðiárið 2016/17. Hvað varðar tekjur fiskvinnslufólks er miðað við miðgildi heildarlauna yfir 300 þúsunda tekjutryggingu, þ.e. 468 þúsund krónur á mánuði. Samanburður á tekjuskattbyrði byggir annars vegar á …
Kjósa
Hvernig finnst þér þessi grein? Skráðu þig inn til að kjósa.
Tengdar greinar
0,1 prósentið
Eiginlega allir vilja að auðmenn borgi meiri skatt en hvað þýðir það?
77 prósent Íslendinga vilja að skattar á ríkasta eina prósent Íslendinga verði hækkaðir. Meirihluti kjósenda allra flokka nema Sjálfstæðisflokks vilja skattahækkanir á þá ríkustu. Flokkarnir hafa ólíkar hugmyndir um hvort og þá hvernig á að ráðast í skattkerfisbreytingar.
Tekjuhæsta konan ein fárra á listanum
Konur eru í miklum minnihluta á hátekjulista Stundarinnar yfir þá Íslendinga sem þénuðu mest á síðasta ári. Aðeins ein kona kemst í 20 efstu sæti listans. Vísbendingar eru um að staða kvenna á listanum sé enn verri en virðist þar sem fjármagnstekjur karla virðast oft skráðar á eiginkonur þeirra.
Ríkasta 1 prósentið á 12 prósent auðs Íslendinga
Þau fimm prósent sem mestar eignir eiga á Íslandi eiga um þriðjung allra eigna einstaklinga í landinu. Eigið fé ríkasta 0,1 prósentsins nemur 5,5 prósentum af öllu eigin fé. Ríkasta 0,1 prósentið telur 240 fjölskyldur.
Listi yfir tekjuhæsta 1 prósentið á Íslandi birtur í hátekjublaðinu
Í fyrsta sinn er birtur listi yfir rúmlega tvö þúsund tekjuhæstu Íslendingana. Meðal-Íslendingurinn væri 254 ár að vinna sér inn það sem sá tekjuhæsti fékk.
OECD: Mikilvægt að beita skattkerfinu gegn ójöfnuði
26 ríkustu menn í heiminum eiga álíka mikinn auð og fátækari helmingur mannkyns samkvæmt nýrri skýrslu Oxfam. Fjármagnstekjuskattur er hagkvæm leið til að sporna gegn ójöfnuði að mati sérfræðinga OECD en skattlagning heildareigna getur einnig komið að gagni ef útfærslan er skynsamleg.
Hlutdeild hátekjuhópa í heildartekjum landsmanna eykst
Hátekjuhóparnir taka til sín æ hærra hlutfall heildartekna á Íslandi þrátt fyrir að tekjuójöfnuður mælist minni en annars staðar samkvæmt Gini-stuðlinum. Fjármagnstekjur koma einkum í hlut tekjuhæstu og eignamestu landsmanna en eru skattlagðar minna en launatekjur.
Athugasemdir