„Mér finnst rosalega gaman að elda. Ég byrjaði á því að elda sjálfur alvöru mat fyrir svona ári síðan, því mig langaði ekki til að vera alltaf að borða ruslfæði,“ segir Bjarki Fannar Benediktsson, sem þrátt fyrir að vera aðeins á þrettánda ári á margar uppskriftir uppi í erminni. Um helgar og stundum þegar hann kemur heim úr skólanum á daginn gerir hann oft eldhústilraunir og hefur þá frænda sinn og vin oftar en ekki hjá sér. „Ég held að hann sé minn helsti aðdáandi í eldhúsinu,“ segir hann, spurður að því hverjir í lífi hans séu ánægðastir með að hann sé farinn að sýna takta í eldhúsinu. Hann neitar því samt ekki að foreldrar hans og bræður, ömmur hans og afar, hafi líka oft borðað matinn hans með bestu lyst. „Þau eru mjög ánægð með mig, held ég.“

Bjarki Fannar segir það vel koma til greina að hann verði …