Stríðsloka er minnst með tveggja mínútna þögn. Þannig hefur það verið í 100 ár, frá því að stríðinu til að binda endi á öll stríð lauk. Þegar ég var nemi í breskum barnaskóla um miðjan 9. áratuginn var enn staðið upp þann ellefta ellefta klukkan ellefu og þagað í tvær mínútur og varla hefur það breyst síðan. „Armistice Day“, kalla þeir það, vopnahlésdaginn. Í þá daga voru þeir enn uppi sem tekið höfðu þátt, öldungar sem var rúllað áfram í hjólastólum í árlegri göngu, álíka gamlir og öldin sjálf. Nú eru þeir allir horfnir.

En fyrri heimsstyrjöldin lifir enn, þó hún falli gjarnan í skuggann á litla bróður sem fljótt óx upp úr henni og nefnd var sú seinni. Heimsstyrjöldinni fyrri lauk þann 11. nóvember og lauk þó ekki. Í fyrsta sinn í fjögur ár og tæpa fjóra mánuði var allt hljótt á vesturvígstöðvunum. Í Austur-Evrópu hélt hún áfram að …