Heiðveig María Ein­ars­dóttir, fram­bjóð­andi til for­mennsku í Sjó­manna­fé­lagi Íslands, segir vinnu­brögð kjör­stjórnar ósvífin. Í gær var fram­boði hennar hafnað af kjör­stjórn­inni og fram­boðs­listi stjórn­ar­innar sagður sjálf­kjör­inn.

„Nið­ur­staðan er algjör­lega slá­andi á svo hrika­lega ósvíf­inn hátt að maður verður hugsi yfir vinnu­brögðum kjör­nefnd­ar­innar,“ skrifar Heiðveig á Facebook. „Þegar lög­fræð­ingur sem starfar hjá sömu stofu og rekur mál gegn mér fyrir hönd félags­ins, fyrr­ver­andi alþing­is­maður og sam­starfs­fé­lagi í stétt­inni túlka lögin á þennan hátt spyr maður hvernig sið­ferðið hafi hingað til verið hjá þeim þegar þeir hafa sinnt sínu starfi?“

Framboði B-lista, sem Heiðveig fór fyrir, var hafnað af nokkrum ástæðum. Lista hafi aðeins verið skilað í stjórn og vara­stjórn, en ekki til stjórnar mat­sveina­deildar eða trún­að­ar­manna­ráðs, eins og lög hafi kveðið á um. Þá sé Heiðveig ekki félags­maður í Sjó­manna­fé­lag­inu og hafi ekki greitt í það síð­ast­liðin þrjú ár. Loks hafi til­skyldum fjölda með­mæl­enda ekki verið náð.

Hún segir nið­ur­stöð­una vera „ólýð­ræð­is­legt ofbeldi af allra allra verstu gerð“. Engar leið­bein­ingar hafi verið í boði frá félag­inu og ómögu­legt hafi verið að lesa út úr lögum að fram­boðs­lista í stjórn mat­sveina­deildar eða trún­að­ar­manna­ráðs hafi verið kraf­ist. Þá liggi fyrir að félags­dómur muni úrskurða um kjör­gengi hennar og furðar hún sig á því að ekki sé beðið þeirrar nið­ur­stöðu.

„Að öllu leiti hefur verið stór­kost­lega erfitt að nálg­ast upp­lýs­ingar frá þeim sem halda um völdin í félag­inu,“ skrifar Heiðveig. „Það er alveg á krist­al­tæru að fram­koma og við­brögð síð­ustu vikna benda til þess að það sé aug­ljós vilji núver­andi stjórnar að það verði eng­inn, sem ekki er hand­val­inn í stjórn, sem fái að kom­ast í gögn félags­ins.“

Hvetur hún þó sjó­menn til að ganga ekki úr félag­inu strax. „Mark­miðið er enn að almennir félags­menn fái tæki­færi til að fjalla um þessi mál. Það eru almennir félags­menn sem eru félagið. Við viljum að félags­menn­irnir sjálfir fái að velja for­ystu og marka stefnu félags­ins, en núver­andi stjórn beitir öllum klækjum og brögðum til að halda ákvörðun um fram­tíð félags­ins frá okkur öllum.“